Home Gobierno A traha plan di emergencia pa Bestuurskantoor por a habri oficialmente pa...

A traha plan di emergencia pa Bestuurskantoor por a habri oficialmente pa publico

187
0
SHARE
- Advertisement -

Minister presidente Evelyn Wever-Croes:

ORANJESTAD (AAN) – Minister Presidente mr. Evelyn Wever-Croes, a hiba palabra den conferencia di prensa Dialuna mainta y el a subraya, na prome lugar, cu gobernacion ta un continuacion y no ta algo cu ta caba cu un partido y ta cuminza cu otro.

No obstante, e Gabinete nobo no a haya ningun documento. Tin hende ta yama puntra pa, por ehemplo, un peticion pero e gobierno aki no tin informacion. Unda esaki ta, ningun hende no sa.

“Nos no a haya ningun computer cu ta funciona. Señor Eman a mustra mi unda el a laga tur computer para den su oficina, pero e tabata totalmente white off.

E server di Bestuurskantoor y di Cocolishi e wayanan tur a wordo ranca y poni otro caminda unda nan no mester ta. Frecuentemente, tampoco e server ta funciona, y aworaki nos ta den e tarea di reconstrui tur cos; busca e documentonan, traha un server nobo, percura pa tin continuidad, pa ora un siguiente gobierno sinta nos ta djis cambia e password y nan ta haya tur e informacion cu nan por sigui cune”, e dignatario a subraya.

Banda di esey, e dama a sigui bisa, nan a haya un edificio den sumamente mal estado. El a referi na e edificio dilanti di Bestuurskantoor. E parti di Cocolishi ta den hopi bon estado, pero e area di Bestuurskantoor y hasta e mitad banda pabao mester wordo cera. El a wordo afgekeurd y e mester wordo condena.

El a reconfirma locual su colega Minister di Finanza a divulga, cu nan a haya nos pais su situacion financiero den un crisis, unda cu nan a cuminza haya cartanan di CAFT, den cual nan ta describi e situacion financiero den cual nos pais ta, hopi, hopi dificil.

“Cartanan devastador unda nan ta anuncia caba cu Aruba no ta bay cumpli, cu Aruba ta den violacion di un cantidad di ley y cu esaki por tin consecuencianan hopi serio pa Aruba.

“ Nos a tende di e extra buraco financiero cu e aña aki, door di e situacion di e refineria por yega na casi 100 miyon, y pa e otro aña casi 200 miyon. Nos tabata sa cu lo ta dificil, cu e situacion di Aruba no ta facil, pero asina dificil, sinceramente, nunca nunca mi por a imagina mi cu nos lo yega di haya e situacion”, Minister Presidente sra. Wever-Croes a subraya.

E mandatario a subraya cu pesey gobierno a cuminza traha riba diferente plan di emergencia. Pa cuminza e edificio di Bestuurskantoor, cu pa hendenan por funciona y por traha awe nan a habri oficialmente pa publico. Awor tin un grupo di hende pa atende e publico manera telefonista y recepcionista, pues oficialmente nan ta habri, e dignatario a subraya.

Minister Presidente a duna di conoce cu e computernan tambe ta un problema cu nan a soluciona pa loke ta e partinan mas importante di e crisis, na un sistema structural pa asina den futuro cualkier gobierno cu bin ta djis haya un password pa tin acceso na tur informacion y na historia di tur e añanan di gobernacion di Gabinete Wever- Croes, pa e siguiente gobierno por sigui goberna.

- Advertisement -

DUNA COMENTARIO

Please enter your comment!
Please enter your name here