Home Turismo Aerolinea nobo Serami Air cu 3 vuelo semanal pa Las Piedras Punto...

Aerolinea nobo Serami Air cu 3 vuelo semanal pa Las Piedras Punto Fijo

57
0
SHARE
- Advertisement -

ORANJESTAD  (AAN):  Serami Air ta un aerolinea nobo y recientemente nan a anuncia cu nan a introduci un vuelo nobo pa Punto Fijo, yudando asina tur esnan cu ta gusta bula bay Venezuela.

E aerolinea tin un special tambe actualmente y hopi hende ta buscando informacion pa cu esaki.

E aerolinea tin 2 avion di 12 pasahero y e vuelonan pa Las Piedras Punto Fijo ta riba Dialuna, Diaranzon y Diabierna, cu e posibilidad cu den futuro bin cu vuelonan riba mas dia di siman.

Durante un conferencia di prensa, Chief Operating Officer (C.O.O) di Aruba Airport Authority Jurgen Benschop a yana un bon bini na Serami Air.

“Mi ta kere cu Serami Air ta un adkisicion importante pa aeropuerto di Aruba, mirando cu Venezuela tabata un di e  mercadonan hopi fuerte pa Aruba”.

“Den ultimo añanan esaki a cay bastante y mi ta kere cu e combinacion cu Serami Air ta ofreciendo aworaki pa conectra Aruba bek cu Las Piedras Punto Fijo, cu tabata un di e destinacionnan hopi gusta pa nos Arubianonan, mi ta kere cu esaki ta un adkisicion hopi grandi y un bon comienzo”.

Esaki segun Benschop, kende a sigui bisa cu si e vuelonan bay bon, sigur lo ta bon pa amplia e cantidad di vuelo den futuro.

“Dependiendo di e demanda, quizas por yega un dia na 2 vuelo diario”, segun e C.O.O di A.A.A.

Departamento di Aviacion Civil tambe a duna e aerolinea nobo un bon bini, unda cu representante di Aviacion Civil a indica cu for di basta tempo nan tabata traha riba aumento di e coneccionnan di Aruba.

E intencion ta pa no solamente aumenta e conexionnan cu Venezuela, sino tambe cu mas lugar na mundo.

 

 

- Advertisement -

DUNA COMENTARIO

Please enter your comment!
Please enter your name here