Home Policial Agente Kenny Montero ta aporta varios tips pa seguridad di nos mascotanan

Agente Kenny Montero ta aporta varios tips pa seguridad di nos mascotanan

203
0
SHARE
- Advertisement -

Relaciona cu tiramento di clapchi:

ORANJESTAD (AAN) –  Sr. Kenny Montero, miembro di Cuerpo Policial Aruba (KPA), den entrevista cu nos redaccion, a duna algun informacion y conseho, dirigi na tur esnan cu tin cacho den cas, pa proteha nan durante e temporada aki di tiramento di clapchi.

Señor Montero ademas de polis, ta conoci como un ciudadano cu ta stima bestia, y unda cu tin un animalito na peligro e ta acudi na su rescate of ayudo.

El a menciona cu e oido di un cacho ta hopi mas avanza cu di e ser humano, y e sonido di un clapchi ta zona diez biaha mas fuerte cu loke nos oido ta capta. Nan ta sinti manera un bom ta cay banda di nan cada tanto minuut, cu tiramento di clap.

Logicamente e cacho ta busca un lugar pa sconde y unda pa aleha for di e sonido ey. Por sosode den e momento ey cu un animal ta subi caya coriendo e peligro di wordo atropeya pa un auto of e ta perde.

Esaki ta conta pa mascotanan manera pushi y cacho. E ta aconseha pa tene e mascotanan paden di cas, y laga nan un caminda unda nan ta sinti safe. Cera nan den un camber of wanta nan den baño. Tambe ta bon pa pone musica relahante pa e cachonan. Tempran den dia pone nan haci ehercicio pa nan sinti nan mes cansa pa anochi nan no tin hopi energia pa stress riba e sonidonan duro di clapchi.

E no ta recomenda pa mara cacho ni hinca nan cera den un haula. Mara nan por cuminza lora den cadena y choca nan mes. Si hinca nan den un haula estrecho esey tambe ta trece stress cerca e bestianan. Si no tin otro manera pa haci cu tene un cacho mara, por ehemplo si no tin un cura cera, no mare na su nek.

Polis sr. Montero a señala cu tur hende sa cu nan bestianan mester ta den cura, y dentro di poco mi tin entendi cu KPA ta bay bin cu un “Animal Polis Team”, locual mi a trece na conocimento di un par di hefe caba y mi ta sigur cu nan tine den consideracion, pa implementa e ley mihor, ya cu aworaki e ta laga di desea.

- Advertisement -

DUNA COMENTARIO

Please enter your comment!
Please enter your name here