Home General APA ta clarifica loke a pasa cu e retrazo di barco di...

APA ta clarifica loke a pasa cu e retrazo di barco di carga y scarcedad di berdura

30
0
SHARE
- Advertisement -

ORANJESTAD (AAN): Den fin di siman tabatin scaresedad di varios producto na Aruba. Tanto consumidornan local como bishitantenan no por a haya nan productonan di costumber, specialmente berdura y fruta.

Manera ta conoci den December normalmente ta un luna druk den wafnan tanto na Playa como na Barcadera. Semper ta trata e cantidad di barco den e luna aki conhuntamente cu Douane di tal manera cu pueblo no ta keda sin haya su productonan di costumber.

Loke a pasa siman pasa, segun APA, ta cu un barco cu ta bin tur siman Aruba cu hopi container for di Merca a haya un retraso di basta ora cu e consecuencia cu e no por a haci uso di e espacio cu tin reserva pa e barco aki na e waf na Barcadera pa mara Diamars mainta.

Ora cu e barco a yega Aruba ya tabatin un otro barco cu ta mara na waf den e espacio cu tin reserva pe. E barco cu tabatin retraso a dicidi pa no keda warda riba e barco cu ta den waf ta completamente descarga y a scoge pa bay Curaçao.

Diasabra mainta e barco aki a drenta waf na Barcadera y cu cooperacion di e personal di e operador di e terminal a percura pa baha tur e containernan cu tabata destina pa Aruba e mesun dia.

E situacion cu a surgi ta uno cu APA ta purba pa evita semper pero den e caso aki lamentablemene e no a sosode. Lo bay sinta internamente cu otro pa analisa kico exactamente a causa e retraso y con pa actua den un situacion similar pasobra pueblo no por keda sin haya su productonan cu e ta conta riba dje.

APA ta ofrece su disculpa na tur empresa y tambe na pueblo di Aruba en general cu a bira victima di loke a pasa den fin di siman cu e productonan di costumber no tabata disponibel. Tambe APA ta gradici e personal di e operador di e terminal na Barcadera cu a traha Diasabra duro pa baha tur e containernan for di e barco.

Un palabra di gradicimento ta bay tambe na e cuerpo di Douane cu a coopera pa e containernan di cual cu tabatin mas urgencia por a sali Diasabra mesora for di waf.

 

- Advertisement -

DUNA COMENTARIO

Please enter your comment!
Please enter your name here