Home Economia Aruba su musiconan ta sobrepasa standardnan internacional

Aruba su musiconan ta sobrepasa standardnan internacional

19
0
SHARE
- Advertisement -

Segun expertonan cu ta midi calidad:

ORANJESTAD (AAN) – Sra. Sharon Meijer, Policy Advisor di Departamento di Asuntonan Economico, Comercio, Industria y Exprodesk (DEZHI), y sra. Zulema Dabian-Erasmus, Hefe di e Departamento di Relacionnan Economico cu Exterior y Desaroyo di Negoshi, den conferencia di prensa, a duna informacion tocante un serie di tayer di trabao organiza pa Departamento di Economia, bao di su unidad Exprodesk, cu a culmina Diahuebs ultimo.

E tayernan di trabao aki tabata dirigi specialmente na e industria creativo y pa e motibo aki nan a dicidi di tene un ceremonia pa gradici tur nan stakeholders y partnernan cu a haci posible e tayernan aki.

E dama a acentua cu e tayernan aki a tuma ayudo di un y tur cu a duna di nan parti pa esaki por a yega na e musiconan, productornan y compositornan.

Sra. Meijer tambe a gradici prensa y tur experto cu a tuma nan tempo pa haci e tayernan di trabao aki, posible.

E dama a menciona cu expertonan for di exterior a expresa cu Aruba su talentonan ta riba e standardnan pa exporta. No solamente pa e musica y composicion pero tambe pa e video clipnan y e calidad ta igual cu standardnan internacional.

E hoben a agrega cu Exprodesk no solamente ta duna tayer di trabao y informacion sino cu  tambe ta duna guia.

Den e sentido aki sra. Meijer a expresa cu nan ta hopi contento di por anuncia cu ya for di 22 di October den e radio WDNA e cinco artistanan cu a wordo scogi pa e consultant aki, y cu a bin for di exterior pa midi e industria musical na Aruba nan musica a cuminza wordo toca, y esaki tin un range pa henter South Florida. E artistanan aki ta: Claudius Phillips di Oreo, Buleria representa pa Roderick Franken, Cesar Olarte, Giendrick Boekhoudt (T- Drick) y Genard Mohamed (Karixon).

Sra. Meijer a menciona cu Exprodesk tin diferente plan pa 2018 riba diferente otro industria. Nan ta scoge cada bez un industria pa nan bay mas specifico y mas profundo con pa yuda nan.

Nan lo cuminza na Januari cu diferente tayer di trabao. Nan lo enfoca riba industria di consultant, diseño, tecnologia, arkitectura, y cada un lo haya su beurt. Por sigui Exprodesk via facebook pa asina ta informa riba kico ta bin den futuro (www.exprodesk.com).

- Advertisement -

DUNA COMENTARIO

Please enter your comment!
Please enter your name here