Home Deporte Aruba tabata anfitrion pa e curso pa “Match commissioner”

Aruba tabata anfitrion pa e curso pa “Match commissioner”

12
0
SHARE
- Advertisement -

ORANJESTAD (AAN) –  Arubaanse Voetbal Bond (AVB) hunto cu “Confederation of North, Central American and Caribbean Association Football” (CONCACAF) a organisa un curso pa “match commisioner”.

Mario Monterrosa, director di futbol Centro America di CONCACAF a facilita e curso di 2 dia. Presidente di AVB, Ing. Richard Dijkhoff, ta masha orguyoso cu CONCACAF a scoge Aruba pa ta anfitrion di e tayer aki pa tur isla di habla Hulandes den Caribe.

A pidi pa tin e curso aki a base di e necesidad cu e federacion tin, pa tin un “Match Commissioner” durante tur wega di futbol. E ta e persona responsabel p’e weganan di Division Honor. Rond di cada wega semper tin un organisacion y awo a haya e oportunidad pa implementa esaki na Aruba.

Algo cu ta bini extra ta cu na aña 2018, CONCACAF lo organisa hopi mas wega internacional. “Tur esunnan cu ta forma parti di e curso aki, por yega na remarca pa ta parti di e weganan internacional”, asina Richard Dijkhoff a conta. Esey ta locual nan ta haciendo y Aruba a conta cu participantenan for di Boneiro, Corsou, St. Maarten y Surnam, kendenan tambe a participa hunto cu Aruba na e curso aki.

El a sigui elabora cu e intencion ta pa na final di e curso nan evalua e cursistanan y pa asina mira ken lo bin na remarca pa haci e trabou di comisario di partido internacional tambe.

Aruba a tene e curso aki pa prome biaha y pa AVB esaki ta un honor. Organisa e curso aki ta refleha riba e confiansa cu CONCACAF tin den e federacion di futbol di Aruba. “Esaki ta e di tantisimo oportunidad cu nan ta brinda nos. Nos ta considera esakinan como un reconocimento di e bon trabou cu nos ta bin ta haci”, asina el a expresa.

Mario Monterrosa tabata encarga pa duna e curso di comisario di partido di CONCACAF p’e islanan cu ta papia Hulandes. A parti di e programa One CONCACAF, nan ta haci e curso aki den tur pais di Caribe manera ta haciendo den Centro America. Asina aki tur pais y tur idioma por ta den e mesun integracion.

Pa prome biaha ta haci e curso aki pa islanan cu ta papia Hulandes, pero a realisa e curso aki na Granada p’e islanan cu ta papia Ingles. Tambe a organisa e curso aki na Guadalupe p’e islanan cu ta papia Frances, asina el a expresa.

CONCACAF a cuminsa duna e prome nivel di e curso aki, pero nan ta purbando di haya e miho candidatonan di tur curso haci pa asina despues nan por haci un curso di refuerso. Asina aki lo conta cu e participacion na nivel internacional.

 

- Advertisement -

DUNA COMENTARIO

Please enter your comment!
Please enter your name here