Home Parlamento Atrobe ta Ministro di MEP tin di drecha situacion financiero

Atrobe ta Ministro di MEP tin di drecha situacion financiero

14
0
SHARE
- Advertisement -

Parlamentario Setty Christiaans-Yarzagaray:

ORANJESTAD (AAN): Tratando ley di presupuesto supletorio den parlamento di Aruba a tuma nota cu miembro di oposicion a cataloga resultadonan di e presupuesto supletorio como artificial.

Ya cu uza consehonan di Raad van Advies ta molestianan, nos ta uza e ora tambe cifra di e instancia Banco Central. Paso mi persona biniendo for di un instancia cu tambe ta uza y produci cifra, ta na altura con e gobernantenan di e gobierno anterior a maneha, uza cifra of keda sin use.

For di diferente raportnan di CBA a presenta un comparacion di cifranan di GDP pronostica y realisa pa asina deduci kico e ex mandatario ta referi na artificial. Paso por lo menos pa e ultimo 4 añanan por a tuma nota con bon informacionnan di crecemento economico a worde señala for di nan y compara con realmente e crecemento economico a realisa.

Por conclui e ora con e cifra di realisacion di crecemento economico ta varia di e realidad. Anto awor nan ta pensa cu nos fraccion ta kere nan cu ora nan a entrega e presupuesto, cu esaki tabata budget neutral.  Siendo cu awor cu a papia cu e instancianan concerni y segun e ley cu a worde presenta den parlamento, esaki a resulta den un deficit di 130 miyon Florin.

Realidad ta cu awe Aruba tin un Debe na GDP di 86% siendo cu tabata 41.7% na 2008. Tambe por a wak con pronosticonan economico tabata proyecta halto pero pa varios aña crecimento ta menos cu hasta a registra crecemento negativo pa e ultimo 2 añanan.

Por wak for di e tabel cu na 2016 a realisa un crecemento economico di -0.2% siendo cu e tabata proyecta na 1.1% di crecimento. Anto awe partido den oposicion ta papia di cifranan artificial!

Awe Minister di Finanzas di e huki di MEP atrobe, manera a worde haci anteriormente pa un minister di partido MEP, mester bolbe drecha e situacion financiero di nos pais cu awe ta para na 86% di debe na GDP, cu ta e resultado mas halto cu pais Aruba conoce te cu awor. Un debe hopi devastador!

Gobernacion ta un continuacion berdad pero di mi persona su banda ta conseha e gobierno y en especial e Minister di Finanzas, pa nan no keda den continuacion di e maneho di e gobierno anterior pasobra si sigui asina, nos lo bay cay den un debacle financiero hopi grandi y desastroso pa pais Aruba.

 

- Advertisement -

DUNA COMENTARIO

Please enter your comment!
Please enter your name here