Home Salud Aumento di malesa sexual nifica cu hopi hende no ta usa Proteccion

Aumento di malesa sexual nifica cu hopi hende no ta usa Proteccion

19
0
SHARE
- Advertisement -

ORANJESTAD(AAN): Si bay wak e parti di malesanan sexualmente transmiti, cu ta mira cu e casonan ta subiendo, por deduci eynan cu e personanan no ta haciendo uzo di e proteccion of por ta nan no ta haci’e na e manera debido.

Bo ta wak e casonan ta subi. A base di esey ta ripara cu e personanan no ta haci uzo di proteccion. Banda di dje tambe bo por wak ora cu Wit Gele Kruis ta duna dato di e mamanan hoben.

Por wak eynan toch cu pa aña por tin un 90 hoben cu por ta sali na estado. Bo ta mira tambe cu nan no ta haci uzo di proteccion.

Entre 20, bay ariba, bo ta haya cu e personanan ta sexualmente activo. Ora cu e personanan aki yega 60 aña tambe ta haya hopi di nan, cu ta sexualmente activo. Bo ta wak toch cu nan tambe no ta haci uzo di proteccion. Pero e grupo mas grandi ta, por baha un tiki mas cu 20 aña, te cu un averahe di 35 pa 40 aña.

Mensahe di autoridad ta, cu e kier encurasha tur persona cu ta tene relacion sexual y nan no ta haci uzo di proteccion, por fabor, bay un dokter, of bay na e camindanan ya menciona, e por ta dokter di cas, bo por bay na Dienst Besmettelijke Ziekten. Por bay na e internistanan of bo por bay na un laboratorio, ta paga, bo ta haci bo test y bo sa e status di bo.

Ta bon pa bo haya sa di bo status. Si pone cu bo sali positivo, bo ta na tempo. Bo ta bay un dokter, dokter no por yudabo. Bo por haya tratamento, di cual manera cu bo bida por sigui normal. Tin cu corda, no ta pasobra cu bo a worde infecta cu HIV, esey kiermen cu cos a caba eynan.

Bida ta sigui normal. E ta duro berdad pa bo haya un informacion asina eynan, pero bo tin cu haci bo mes duro, pasa over di dje, bay cerca un dokter, tuma bo tratamento y bo bida por sigui normal.

 

 

- Advertisement -

DUNA COMENTARIO

Please enter your comment!
Please enter your name here