Home Policial Auto a dal duro riba verkeersplateau y despues dal den palo di...

Auto a dal duro riba verkeersplateau y despues dal den palo di coco dilanti Playa Linda

85
0
SHARE
- Advertisement -

ORANJESTAD(AAN): Tabata Dialuna alrededor di 2:30 am, cu informacion a drenta na Polis di un accident.

E informe ta mustra di un accidente cu a sosode dilanti di Playa Linda.

Aparentemente e dama tras di stuur coriendo den un V-auto riba Irausquin Boulevard, no a ripara cu tin un verkeersplateau dilanti Playa Linda.  El a dal riba e plateau, bay halto, perde control pa baha caminda banda pabao y dal den palo di coco.

DIARIO a yega di publica con den pasado, diferente Maintenance Departments di Hotelnan a yega di ofrece DOW cu nan mes ta dispuesto pa verf e Verkeersplateau nan aki color geel cla y briyante, pa asina turistanan por mira nan.  Pero DOW a rechaza esaki.

Ohala cu awor Gobierno tin un Ministro nobo di DOW, cu por revisa y check kico por haci cu e verkeerplateau di Aruba cu ta esnan MAS SCUR y invisible den oranan di anochi.

No tin ni un verkeersplateau na Aruba cu bo por mira di leu, ni ora bo yega cerca!

Ambulance a worde pidi na e lugar, y paramediconan a hibe pa Hospital pa tratamento medico avansa. E daño causa na e auto ta considerabel.

 

 

- Advertisement -

DUNA COMENTARIO

Please enter your comment!
Please enter your name here