Home Policial Auto ta dal den patruya di Polis y ta bolter na Tanki...

Auto ta dal den patruya di Polis y ta bolter na Tanki Leendert

139
0
SHARE
- Advertisement -

ORANJESTAD(AAN): — Algo prome cu 7or di mainta, un patruya di Noord bayendo direccion pariba riba e caminda di Tanki Leendert a haye envolvi den un accidente.

Aki un Hyundai Accent color shinishi numera A-18174 tabata coriendo zig zag riba caminda y net un poco pabou di e crusada di e misa di Tanki Leendert, e patruya di polis a haye envolvi den un impacto cu e Accent.

E Accent a hala na su man robes y dal den e pickup di polis y cu consecuencia cu e patruya di Polis a bolter. Nada a pasa e dos polisnan .

E otro manehador di e Hyundai a ricibi sla na pecho. Ambulance a presenta na e sitio unda paramediconan a duna asistencia medico.

Polis di trafico tambe a ser pidi pa presenta na e sitio pa asina tuma datos di e accidente.

E Hyundai Accent su papelnan no tabata na ordo. Polis a pidi takelwagen pa asina transporta e Accent pa warda di Balashi pa mas investigacion.

- Advertisement -

DUNA COMENTARIO

Please enter your comment!
Please enter your name here