Home Suceso Autoridad a gara un Chileno na Aeropuerto cu suma considerable di Dollars

Autoridad a gara un Chileno na Aeropuerto cu suma considerable di Dollars

523
0
SHARE
- Advertisement -

ORANJESTAD (AAN): Tabata riba Dialuna 11 di December, cu un pasahero masculino Chileno di 41 aña di edad a wordo para na Aeropuerto Reina Beatrix.

E tabata na Aruba desde 8 di November ultimo y tabatin intencion di viaha back pa su pais. A resulta cu e tabatin no menos cu 14 credit cards cu ne, como tambe 32.757 Dollar cash, y 5.000 peso Chileno.

E homber no por a duna ningun splicacion ta con el a yega na e placa aki. El a wordo deteni y e placa y e credit cards a wordo tuma den beslag.

E caso a wordo entrega na e asina yama Afpakteam di Husticia.

Durante e prome interogacion caba, e sospechoso a dicidi pa tuma distancia di e credit cardnan y e placa. E placa lo wordo traspasa pa criminaliteitsfonds, cu a wordo lanta pa fortifica y mantene ley na Aruba.

Afpakteam ta un cooperacion entre Ministerio Publico, Cuerpo Policial di Aruba, Fiot (Fiscale inlichtingen- en opsporingsteam) di Departamento di Impuesto, FIOD (Fiscale Inlichtingen- en Opsporingsdienst), Koninklijke Marechaussee (KMar), Kustwacht Steunpunt Aruba, Meldpunt (Meldpunt Ongebruikelijke Transacties) y RST (Recherche Samenwerkingsteam).

Afpakteam ta traha na combati criminalidad financiero economico subversivo. Afpakteam a cuminza traha riba prome di maart ultimo. Si bo persona tin informacion of a capta señalnan cu labamento di placa ta tumando lugar, anto por contact Afpakteam via mail na afpakteam@kparuba.com of via tiplijn na telefon 111-41.

- Advertisement -

DUNA COMENTARIO

Please enter your comment!
Please enter your name here