Home Policial Autoridad local cu detencion relampago riba atracador na Noord

Autoridad local cu detencion relampago riba atracador na Noord

467
0
SHARE
- Advertisement -

ORANJESTAD(AAN): Diasabra, den oranan di anochi, den un forma relampago, Arestatie Team a pone man riba un sospechoso cu tabata moviendo den un auto den e area di Noord. E tabata un di esnan cu a comete atraco riba e tienda Plug and Play na Ponton.

Tabata e momento cu a pidi refuerso di patruyanan di Noord, pa asina por para un auto cu tabata move den un forma basta sospechoso riba caya cu dos homber aden.

Na altura di ya caba yegando Saliña Cerca, pasando Turibana, Kamay, yagando Saliña Cerca, e unidad di Arestatie Team a duna señal na e auto aki pa para. Na e momento cu esey a sosode, e auto a mira cu autoridad ta su tras. Nan a lora drenta un caya y na e momento cu nan a mira un chens, a baha pa purba di core y a cuminsa core direccion di e saliña cu tin banda di Saliña Cerca. AT, prepara cu cara tapa, a logra pone man riba un di e sospechosonan. E otro a logra scapa. Autoridad di Noord a cuminsa cu un buskeda den vecindario pa mira su por pone man riba e otro sospechoso. Pero nan no a topa cun’e.

Den e auto a haya un tas. E tas aki tabata yena cu cierto cantidad di charger y telefon cellular nobo nobo. Manera cu ta conoci, tabata tin mas cu un atraco y den un di e atraconan cu a tuma luga diasabra, nan a logra bay cu mas of menos 20 pa 30 telefon. Tambe a confisca un brommer y tambe dos helm, cu a worde uza pa e atracadornan. Mientras tanto e departamento tecnico di BFTO a presenta na elugar, a haci na investigacion, tanto riba e tas cu a worde haya den auto, tambe tabata tin un mashin di pela den e auto y e auto a worde confisca, hiba Shaba y e tas tambe, cu tur e materialnan di celular, a keda confisca, pendiente investigacion.

E sospechoso cu a worde gara e momento ey, a worde poni keto banda di e auto, te ora cu a presenta cu e dogcatcher, y eynan tambe a transport’e pa warda, caminda cu e proceso di interogacion lo bay continua tambe.

Pues, atraco Team lo mira si e persona aki ta envolvi den cualkier atraco y lo trata na saca afo tambe kende e otro persona cu a logra huy ta.

Tremendo trabao di Cuerpo Policial uniforma, pero tambe un tremendo trabao di Arestatie Team diasabra anochi. Atraco Team ta sigui cu e proceso di investigacion pa gara e otro cu a logra scapa.

 

 

- Advertisement -

DUNA COMENTARIO

Please enter your comment!
Please enter your name here