Home Politica Awe oponentenan ta mira e balor di e Aruba renoba!

Awe oponentenan ta mira e balor di e Aruba renoba!

374
0
SHARE
- Advertisement -

Ex Promer Minister mr. Mike Eman:

ORANJESTAD(AAN): “Tremendo ambiente den Caya Grandi rescata y totalmente renoba y restaura. Esaki no ta imagen di e aña aki, pero di aña pasa. Esey no ta importante, e aña aki tambe e ta yen. Importante ta cu awor nos oponentenan ta mire. Por fin nos ta kita nos bril di antagonismo y acepta y aprecia locual nunca mester a wordo nenga, pasobra ta di nos tur e ta !.Un Centro di Ciudad rescata y totalmente renoba y restaura. E por ta obra di AVP, pero no ta di AVP e ta, pero di Aruba, asina ex Promer Minister mr. Mike Eman a expresa.

E mandatario cu a lider e epoca di mas cambio y renobacion cu Aruba a yega di conoce den su historia ta bisa cu si ta tuma pa a sinta den Cocolishi y mira for di e bentanan grandi for di un otro perspectiva, ya mas no cu envidia y ansha di no ta na poder, anto e ta destino cu mester a cana su curso pa nos tur por mira cu e mesun claridad, cu e mesun orguyo, cu curason habri y no amarga, con berdad un hoya nos Centro di Ciudad a bira, con bunita nos Aruba a bira. Eman ta enfatisa cu a tur esaki trahando cu alma y curason pa nos tera stima.

“Sinta for di e edificio cu a bira parti integral digno di nos Centro di Gobernacion, di entrada caba di nos Bestuurskantoor rescata for abismo y benta pa ser un hotel, e orguyo di ta Arubiano mester por drenta bo benanan. No ta cos cu por nenga mas, pasobra bo wowonan ta worde yena cune awor tur dia. Mira pariba mira pabao for di e pisonan di Cocolishi, un Aruba restaura bo ta mira”, mr Mike Eman a expresa.

Di entrada di waf, awor sin container cu un bunita Welcome Plaza ya na entrada, tramnan bunita pa busca turista, un Plaza Rancho directamente ora bo cruza caya. Di Welcome Plaza (Paardenbaai Plaza) pa Rancho Plaza. Infrastructura tur drecha cu trotoirnan di klinker e cayanan renoba Bo ta mira. Di Weststraat pa Schelpstraat pa Havenstraat, pa Caya grandi te na su final. Unhoya. Edificionan rond di dje tambe tur rescata, restaura y renoba. La Salle College restaura, Universidad amplia y renoba, Misa di Playa renoba, Creacion di Plaza Flor di Oriente, dedica na famia de Freytas, Rosa College y Maria College tur rescata, renoba y restaura. Tur rond di dje tambe e infrastructura restaura y renoba. Edificio di Corte rescata, restaura y renoba, Watertoren rescata, restaura y restaura, cayanan cu ta conecta Caya Grandi na Emanstraat tur renoba y restaura. Mata, klinkers, iluminacion, parkenan chiquito cu banki pa sinta y disfruta.Un beyesa pa aprecia. Nos herencia cultural salba. Di nos e ta. Di Caya Grandi pa Cocolishi eynan tambe tur edificio monumental rescata, restaura y renoba. Edificio Archelogische Museum, Stadhuis renoba, Rekenkamer renoba, Edificio di Gabinete di Gobernador renoba, Edificio di Parlamento renoba, Havenmeester Kantoor rescata, renoba y restaura, Cas di Gobernador rescata, renoba y restaura , Bestuurskantoor renoba y rescata, hunto cu un edificio moderno Cocolishi. Den Wilhelminastraat  edificionan monumental manera Brinchie y Winkel Handel maatschappij y poco serca ey Huisje Hart, tur monumentonan renoba y restaurador di sector priva inspira pa e vision di renobacion di Aruba. Tur e obranan aki a base di nos vision y mission ta worde braza y treci hunto cu un mahestuoso Plaza Padu. Aruba su herencia cultural den tur sentido salba

Berdad nos Caya Grandi rescata, restaura y renoba ta yen awe y a cuminsa bira yen atrobe desde cu e no ta centro mas di un Chollerhouse(hotel), pero e curason di nos Centro Historico restaura y renoba. Un trabao haci cu un vision, curason y dedicacion pa nos tur por aprecia y goza di dje. E vision y trabao aki a duna nos un centro cu historia y entidad, cu nos por comparti cu orguyo cu esnan cu ta bishita nos. 700.000 turista cu ta yega nosWaf ta mira un obra traha cu vision, amor y dedicacion, modern o y historico alavez cu nan no ta mira na ningun otro isla. Motibo tambe pa cual a pone Aruba riba ruta pa hopi mas barconan crusero. Awe e bentanan halto y hancho di Cocolishi ta haci e pantaya aki, e vision aki, e realidad aki, e trabao aki asina visible y porta psycholigamente asina mas acceptabel pa esnan cu no a mira of kier a mira. Danki Dios. Ban sigui traha pa Aruba, mr.Eman ta expresa.

 

- Advertisement -

DUNA COMENTARIO

Please enter your comment!
Please enter your name here