Home Social Awe ta habri inscripcion pa Festival di Dande via e-mail

Awe ta habri inscripcion pa Festival di Dande via e-mail

18
0
SHARE
- Advertisement -

Coordinador sra. Hernandez ta splica:

ORANJESTAD (AAN) – Sra. Ray Ann Hernandez, organizador di e Festival Infantil y Hubenil di Dande, a duna di conoce cu December a drenta y asina tambe a habri e luna di Festival di Dande.

E festival lo tuma lugar dia 28 di December den Centro di Bario Tanki Leendert. Pa haci e festival aki posible, logicamente mester di e participantenan y e inscripcion ta tuma lugar awe, Diahuebs 7 di December.

E inscripcion ta tuma lugar via e-mail comisionpromovecultura@gmail.com. Despues di esaki tin un siman pa tuma inscripcion. E ta cera dia 14 di December, y Diabierna 15 lo tira lot pa secuencia, pa 7 or di anochi.

Esaki ta nifica cu pa dia 14 mester tin e nomber di tur e participantenan y tur banda cu ta acompaña cada mucha.

Pa inscribi ta importante: nomber di e participante, fecha di nacemento, nomber di esun cu a compone e Dande pa e participante. Esaki ta un regla nobo cu e organizadornan ta introduciendo pa e aña aki.

Ademas, banda di esaki tin e parti di composicion propio y cada banda por participa cu maximo di dos composicion. Aki ta importante pa sa e nomber di e composicion, compositor, areglista y ritmo.

E categorianan cu ta bay tin pa Dande ta: Edad 4-6- aña, 10-12 aña y 13-17 aña. Lo prepara stage pa e festival y tambe pa e Hurado. Bar y cushina lo ta bon surti y lo conta cu Grupo Scout Ora Ubao cu lo ta yudando cu e parti di logistica di e festival. Tambe lo conta cu e boluntarionan di e bario pa haci di e festival aki un exito grandi un biaha mas. Y manera custumber, entrada ta gratis.

 

 

 

- Advertisement -

DUNA COMENTARIO

Please enter your comment!
Please enter your name here