Home Gobierno Awor ex ministro di gobierno anterior kier cumpra computernan di gobierno cu...

Awor ex ministro di gobierno anterior kier cumpra computernan di gobierno cu e tin na cas

788
0
SHARE
- Advertisement -

E lo a lubida cu e tin 5 computer di gobierno na cas

ORANJESTAD(AAN): Dialuna durante e conferencia di prensa semanal, Minister di Infrastructura Otmar Oduber a papia riba e asunto di e equiponan di Gobierno di Bestuurskantoor cu lo a desaparece.

El a trece dilanti cu atravez di social media y otro medionan di comunicacion, el a ripara cu durante ultimo simannan aki el a wak hopi discusion riba e topico aki.

Segun e mandatario, cierto medionan di comunicacion ta dedica na trece dilanti informacion cu no ta cuadra cu realidad.

“Peor e ta bira ora cu nos wak miembronan di oposicion di partido AVP ta troce cosnan cu totalmente no ta berdad”.

“Mi a scucha parlamentario Candelaria papia cu ATA lo a cumpra equipo of material pami den funcion e tempo ey como Minister di Turismo y cu esakinan no a aparece of no a wordo laga atras”.

“Mi tin cu garantiza comunidad di Aruba cu esaki no ta berdad”.

Esaki segun Oduber, kende a sigui bisa cu e insinuacionnan aki ta totalmente falso.

“Mi ta spera cu Candelaria por coregi esaki, pasobra bo ta daña nomber di un instituto asina serio manera esun di ATA, cu ta un ehempel no solamente pa Aruba”, segun Oduber.

El a sigui bisa cu a wordo insinua cu nada a bay robez y cu ningun equipo a perde.

Segun e Minister, ex Minister Richard Arends y ex Minister Mike de Meza a entrega e computer cu nan tabata uza y a encontra uno mas den e depot di computer.

“Si nos mira e discusion cu a bin dilanti unda cu a wordo papia di persecusion, mi por bisa cu no ta nada di persecusion”.

Esaki segun Oduber, kende a indica cu a wordo treci dilanti tambe cu e mes a bay cu equiponan ora cu el a baha como minister di AVP.

El a indica cu dia cu el a baha como minister, el a tuma e decision aki for di cas riba 3 di November, pues e no a bin bek pa coi ningun equipo.

“Mi tin emailnan aki como e minister encarga cu e propiedadnan den e edificionan di Gobierno como minister di Infrastructura”.

“Mientras cu periodistanan ta papia di persecusion, nos tin cartanan cu ta drenta tur dia, incluyendo uno di un muher coordinador di minister de Meza, unda cu ta manda bisa e minister cu e tin un laptop na cas cu e tabata uza pa trabao y cu e ta dispuesto pa trece bek”.

“Ta awor bo a corda?”, e minister a puntra su mes.

El a sigui bisa cu el a haya un carta for di abogado Sjiem-Fat, den cual e ta bisa cu su cliente tin entre otro 3 laptop, 1 computer y un I-pad di Gobierno y cu e ta dispuesto pa cumpra esakinan”.

“Esaki ta un minister di Gobierno anterior cu aparentemente lo a lubida cu e tin no 1 pero 5 computer tur MAC na su cas y awor e ta dispuesto pa cumpra nan”.

“Normalmente ningun hende por drenta bo cas, bay cu bo television y despues bisabo: ‘mi ta dispuesto pa cumpra bo television for di bo”, segun Oduber, kende a sigui bisa cu durante ultimo dos simannan, un di e coordinadornan di gobierno anterior di Mike de Meza, un IT-er, kende a bin Bestuurskantoor 4 biaha”.

“Ora cu el a bin trece camara y otro equiponan e prome biaha nos a kere cu esey ta tur, pero cada biaha el a corda cu e tin un laptop mas, un computer mas y mas equipo di media”.

“Esaki no ta persecusion, esaki ta sinberguensura”, segun e mandatario.

Oduber a sigui bisa cu tin tambe 27 I-phone cu a wordo busca den ultimo 5 lunanan di e aña aki y ningun a bin bek Bestuurskantoor.

 

- Advertisement -

DUNA COMENTARIO

Please enter your comment!
Please enter your name here