Home Policial Bouncernan a mara tres hoben troublemaker cu tie-wrap pa no huy pa...

Bouncernan a mara tres hoben troublemaker cu tie-wrap pa no huy pa Polis

424
0
SHARE
- Advertisement -

ORANJESTAD (AAN): Tabata riba 25 December 2017, alrededor di 7:30 am, cu Polis a ricibi yamada na Warda di Shaba, cu e momento ey tin pelea andando y cu un obheto largo pa hinca hende pafo di Olde Molen Nightclub.

Relaciona cu esaki patruyanan a bay den e direccion y na yegada polis a mira tres homber hoben drumi na suela.  E hombernan encuestion ta drumi riba barica y nan mannan ta mara cu tie-wrap.

Polis a papia cu personal di seguridad encarga cu e Nightclub, e prome di inicial A. y cu un otro personal di seguridad F.A.

E bouncer A. a declara lo siguiente, un rato prome a surgi bringamento den e Nightclub.   Segun F.A. cu el a mira e mucha homber (cual despues haya sa cu su inicial ta N.W.)  a dal un otro homber prome.

E otro homber tabata balia na e momento ey. Segun A. e mester a haya refuerzo di un e otro bouncer F.A. pa asina pone ambos partido pafo.

Un di e partido cu segun nan un homber Venezolano despues mesora a bay for di Olden Molen Nightclub. Ademas e otro partido cu amigonan a keda riba e teraza di e night club menciona.

Riba e teraza, e mucha homber N.W. a cuminsa pusta boca cu un otro bouncer di inicial M.L.

E mucha homber W. a menaza e bouncer M.L.y e otro bouncernan F.A. y tambe A. cu morto.

Debi na e menazanan serio aki, e bouncernan a gara, y pone e mannan di e tres amigonan aki cu tie-wrap di plastico.

A base di esaki, y e menaza serio, Polis a detene e tres mucha hombernan y a hiba nan rumbo pa Warda di Polis.  Aki nan a wordo presenta dilanti Fiscal Auxiliar, y despues di a papia cu nan, a laga na bay den libertad.

Mientras tanto algun rato despues, Central di Polis a dirigi patruya Noord na un adres na Saliña Cerca pa bringamento. Patruya mas prome a worde dirigi na e direccion relaciona cu molester pero tur cos tabata bao di control.

E biaha aki, na yegada polis a papia cu doño cas inicial W., y el a declara cu tres homber (probablemente nan ta conoci di polis, e homber N.W. y un tal M. y un tercer persona) a bin na su cas pa bringa cu un bouncer di Olden Molen.

E doño di cas, W. a bay para e pelea y a haya scop na su frenta. Ora cu patruya a yega e tres hombernan bay caba. E victima worde a worde dirigi pa Recherche.

 

- Advertisement -

DUNA COMENTARIO

Please enter your comment!
Please enter your name here