ORANJESTAD (AAN)— Diaranzon riba e dia cu a wordo nombra como un dia di luto, relaciona cu e entiero di e dos muchanan cu a fayece cruelmente un par di dia pasa, hopi hende a reflexiona.
Pesey mes, na diferente caminda por a mira bandera na halfstok lanta, pa asina duna sosten na e entiero di e dos muchanan cu lo worde dera ariba dia aki. Na e emisoranan, e musica durante henter dia, tabata musica clasico, tambe dunando respet na e entiero di e dos muchanan.
Na Debbie Doo Speelschool, tambe a tuma e dia aki pa asina reflexiona y recorda e dos criaturanan aki, cu a fayece den un forma hopi cruel. Pa es motibo Debbie hunto cu su personal, a opta pa bin cu e muchanan na e parti pafo di e school, caminda nan a resa un Nos Tata hunto, pa despues laga un rosario traha di blaas, bay halto den reconocimento di e dia scur aki. Por a wak e e maestra nan cu awa di wowo y sigur cu un cara di hopi tristeza.
