Home Actividad Especial Cadushi Festival lo ta na Baranca di Yerba

Cadushi Festival lo ta na Baranca di Yerba

26
0
SHARE
- Advertisement -

ORANJESTAD (AAN)—E di cuater edicion di Christmas Cadushi Festival, cu lo tuma lugar awe, dia 21 di December, e biaha aki lo ta na Baranca di Yerba, caminda cu bendedornan local lo trece nan produccion.

Señora Julienne Henriquez a splica cu lo bay tin arte, musica y loke ta bay ta extra e aña aki, ta cu lo bay tin tayernan di trabao unda hendenan por traha di adelanta.

E festival ta cuminsa di 4 or di atardi pa 11 or di anochi. Pero di 4 or pa 6 or ta bay tin e tayernan di trabao. Por registra di trempan ariba e website cadushifestival.com
Ta bay tin dos tayer di trabao pa mucha, cual ta gratis. Pa e otro tayernan tin un tarifa, pero un bes cu paga bo ta drenta e workshop gratis.

E meta di e festival ta pa conscientiza hende pa biba mas saludable. Tambe pa promove producto local, cu na Aruba tin na cantidad. Tin hende creativo y hopi biaha nan ta uza productonan organico, materialnan reusable, for di naturalesa. E aña aki ta concentra riba e NO usamento di plastic.

Tur e bendedornan di cuminda y bebida ta wordo pidi pa no haci uso di cups of plastic, y tampoco di foam. LO haci uso di containernan biodegradable.

Tin prijs di entrada y ta bay ta na Baranca di Yerba, Rooi Koochi 58Z. Ta bay tin borchinan indicando con pa yega. Eigenlijk e festival ta full yen. E aña aki tin mas bendedor cu normalmente. Tin hopi mas hende cu ta bay bin bende cuminda y tin e opcion di bende cuminda vegetariano y tambe bebidanan saludable. Ademas lo tin craft beer traha na Aruba.

Loke ta wordo haci ta pa purba involucra bendedornan local di arte, make up, etc. Di tur cos un poco, segun Sra. Julienne Henriquez.

 

- Advertisement -

DUNA COMENTARIO

Please enter your comment!
Please enter your name here