Home arte y espectaculo Caiso y Monarch Festival lo bira un concierto completo den Carnival Village

Caiso y Monarch Festival lo bira un concierto completo den Carnival Village

50
0
SHARE
- Advertisement -

ORANJESTAD(AAN): — No ta prome biaha Setar ta sostene festival Caiso & Soca Monarch. Segun Roxanne Ras, el a splica cu nan no mester a traha mucho. Ya caba nan tin aña cu nan ta trahando cu Musica. Ya caba el a bira casi un mester cu ta acerca. El a bay bon e aña aki. A sinta algun meeting pa alinea kico tabata kier di cada otro, a yega y firma. El a bay hopi facil, segun Ras.

Setar ta un di e main sponsornan di Carnaval como organisacion esta SMAC y tambe nan ta sostene Musica.

Setar ta bezig caba preparando pa tur item cu lo bay bin di Carnaval. Mayoria di cosnan a wordo besteld, diseñonan haci y promocionnan ta cla pa start asina cu aña bolter.

E biaha aki Elite Productions lo bay pone zonido. Esey ta nifica cu nan tin hopi trabao pa haci. Tin di compronde preparacionnan lo no cuminsa algun dia prome, sino e siman prome. Mark Benson Denz, representante di Elite Productions, ta splica cu e festival di Caiso & Soca ta esun di esunnan mas grandi sigur den atendencia di hende. Tin cu bay adapta full e stage, un stage mas halto cu tur hende por wak.

Zonido dilanti y patras. Mey mey tambe lo bay pone zonido, pa asina e hendenan patras tambe por tende e mesun duro, y lo bay dura casi un siman, cuminsando cu tur e structuranan di hero prome y despues armamento di e stage, efectonan di luz, lo bay haci un diseño bunita pa e stage mes.

Mayoria stage mas parti ta cuadra, pero e parti di e dak, Elite ta haci un diseño diferente, incluyendo LED Screens cu e hendenan por wak kico ta pasando riba stage. E ta basta trabao, un ekipo grandi. Mas of menos 25 hende lo ta riba pia, pa asina por arma full e stage, pa por tin un bin escenario, cu e musiconan ta comodo.

Ora cu Elite haci e Caiso & Soca Monarch, kier pa e musico di Aruba sinti cu ta un artista internacional tin eyriba. Hopi biaha den pasado e festival aki, nan ta pone luznan minimo, djis pone algun luz pa e hendenan por wak musico. Elite kier pa e musiconan sinti bon y sigur nan lo pone un tremendo show riba stage, Denz a splica.

Elite Productions ta bay pone zonido, luz, screen. Si bo para un caminda tiki leu, bo no por yega pasobra tin hopi hende, pero bo kier sinti e ambiente y mira e artista di cerca, nan lo tin screennan grandi e dia aki, pa asina abo por ta practicamente pega y cerca di e artista, cu lo trece e musica di Carnaval den un festival di Caiso & Soca Monarch. Nan lo pone luz y zonido den e prefinalnan y tambe e final dia 27 di December, den Carnival Village.

 

 

 

- Advertisement -

DUNA COMENTARIO

Please enter your comment!
Please enter your name here