Home Comentario Cantidad di aborto riba nos isla tambe ta crimen contra mucha

Cantidad di aborto riba nos isla tambe ta crimen contra mucha

257
0
SHARE
- Advertisement -

Opinion publico:

ORANJESTAD (AAN) – Tristo pa scucha un dama cu ta traha den e ramo di enfermeria, ora el a comenta na nos redaccion cu na Aruba tin cantidad di aborto provoca, loke tambe ta crimen contra mucha.

No ta prome biaha cu na nos redaccion ta yega comentarionan tocante e aspecto delicado aki. Lamentablemente, esnan cu sa kico tin no por bin dilanti cu nomber y fam, y menos si nan ta traha riba tereno di salud, pasobra no solamente nan por perde nan trabao, pero comunidad ta bay señala nan. Nos ainda ta biba den un sociedad unda tin hopi cos ta keda scondi, unda tin hopi tabu.

Segun nos fuente no ta di awor pero di añanan caba cu e practica di aborto ta tumando lugar di manera clandestino na Aruba. E ta bisa cu si e lo por a duna nomber di, incluso profesionalnan cu ta traha den e ramo di salud di hende muher, e pais henter lo spanta. Pero e ta un realidad.

Comete aborto ta algo mundial, pero tin paisnan unda esaki ta castigable si no ta un aborto terapeutico of natural, cu ta algo completamente diferente.

Incluso, na mundo y a yega di sosode na Aruba tambe, cu tin mamanan cu nan bida ta na peligro ora di haya yiu y cu a nenga di aborta, y den algun caso a logra di scapa nan bida pero tin caso unda e mama berdad a muri, of ambos baby y mama a fayece. Danki Dios ta casonan esporadico.

Pero aborto no natural ni terapeutico ta e manera di deshaci di un problema cerca cierto hende muher cu a sali na estado fuera di matrimonio. Pues, casonan di infidelidad. Tambe tin hende muher hoben cu “accidentalmente” a sali na estado mientras cu nan no kier tin yiu, y ata e manera mas facil ta deshaci di e barica. Fuera di esey tin casonan di hende muher (hopi di nan adolescente) cu a keda embaraza door di abuso sexual y nan no por soporta e carga aki y ta dicidi di aborta. Tin casonan cu esun cu a saca e mucha muher na estado ta famia direct di e hoben y pa evita un escandalo nan no ta haci denuncia, hasta pe evita cu e persona ey (un tata, un ruman, un padrastro, incluso un welo) bay cera.

Asina tanto e persona aki cu ta traha den salud sa, pero no por haci nada pasobra e no por saca prueba, manera un estadistica den luz publica, debi cu ni esey ta wordo realiza.

El a subraya tambe cu mayoria di e casonan di aborto ta sosode bao muchanan muher cu ainda ta bayendo scol (incluso 6de klas). Nan mes mayornan ta hiba nan comete aborto, sea na Aruba mes of den exterior. Den pasado tabata tin varios caso unda un hobencita a bay aborta na Venezuela. Pero awendia ta na Colombia nan ta bay.

E profesional den enfermeria a bisa cu nos di prensa mester informa e hobennan cu no ta berdad cu un bez cu tin un feto den su barica, e no ta un ser bibo. E ta un ser bibo for di momento mes di e concepcion. Cientificamente ta demostra cu esaki ta e caso. Den nos comunidad hopi ta biba bao e criterio cu un mucha recien engendra ta nada, ta un cos, tin mesun balor cu un larva di sangura. Pero NO ta asina, y mester ta conciente cu un bez cu un mama deshaci di un embarazo pa su propio boluntad e ta privando un ser bibo di su bida. Y hopi ta hacie durante e prome dos lunanan di embarazo cu ya e criatura ta sensible.

Pues, lo ta bon pa ademas di manifesta nos mes contra e crimen cruel contra e dos rumannan chikito, hacie tambe contra aborto y tambe contra tur sorto di abuso y negligencia di mucha.

- Advertisement -

DUNA COMENTARIO

Please enter your comment!
Please enter your name here