Home General Cantidad di bishitantenan di Parke Arikok a subi cu 10% e aña...

Cantidad di bishitantenan di Parke Arikok a subi cu 10% e aña aki

37
0
SHARE
- Advertisement -

ORANJESTAD(AAN): Fundacion Parke Nacional Arikok ta mirando atras caba, aunke cu e aña no a caba ainda, tin un crecemento di aproximadamente 10%. Esaki ta conta pa tur e mercadonan cu tin, ta conta pa local, bishitantenan internacional y tambe Tour Operatornan cu ta contribui cu esaki.

Segun Carl Quant, Marketing & Communications Manager di Parke Nacional Arikok, mirando back no solamente den crecemento di bishitante pero tambe den areanan cu ta worde protehi door di parke Nacional Arikok, cu e anexo di Spaans lagoen, cual a sosode na Maart tambe.

Esaki ta añadi e biodiversidad cu e parke ta ofrece y tambe e responsabilidad cu nan ta carga pa conserva y proteha e areanan aki.

Segun Quant, tin cu imagina cu ta aproximadamente 20% di e isla di Aruba. Esaki ta trece hunto cun’e e trabao di mantencion di tur dia, e trabao di control di tur dia y no ta nan trabao solamente, pero tambe di e comunidad di Aruba y tur e bishitantenan. E team tey, cual ta consisti di 55 empleado, pero di tur esaki, e comunidad ta hunga un rol hopi importante.

Ta tende via nan, camindanan cu por ta tin cu wak algo, pasobra nan a mira algo straño of nan ta mira den lama cu tin e sushedad ta bin riba e isla. Por mira e areanan aki tambe, hunto cu nan ayudo.

Regularmente of cierto temporadanan, e stroom mes ta trece sushedad aden. Ta percura pa esaki ta limpi pasobra tin hopi bishitante internacional, pero pa nos localnan tambe. Ta un area protehi y tin cu tene cuenta cu flora y fauna. Cualkier sushedad cu ta keda por worde comi pa bestia y por haci daño na flora y fauna. Tin cu tene consideracion pa esaki y sigur no ta un bunita bista pa nos bishitantenan.

Na e momentonan aki tur area ta worde bishita door di nos bishitantenan. No tur por worde yega cu un vehiculo. Mayoria ta worde bishita na pia. Esaki tambe ta areanan cu ta bishita regularmente door di haci roughwalks, cual ta worde organiza un biaha pa luna. Mayoria biaha ta na pia ta yega na e areanan aki. Den Parke tin dos cueba actualmente cual ta cera. Esakinan ta por medio di proteccion pa e raton di anochi. Esakinan ta e unico areanan cu ta practicamente cera pa bishitante.

Ta worde subsidia parcialmente door di Gobierno di Aruba y tambe tin e concervation fee cual bishitantenan ta paga. Esaki ta conta pa local, pa turista y pa e tour operatornan. Pa nos localnan ta 5 Florin pa persona. Muchanan bao di 17 aña ta completamente gratis. Ta aprecia cu famianan ta bishita, pasobra e muchanan por cuminsa di chikito caba cu un aprecio pa naturalesa y conservacion di esaki. Pa turista e ta $11 pa persona.

E area ta protehi berdad. E tin hopi mas balor, di loke nos bishitantenan ta kere. E ta e unico area na Aruba cu no tin casi nada ainda, pasobra ta paar di tereno priva den e parke, pero cu no tin ningun construccion, no tin nada cu ta stroba.

E ta completamente naturalesa y ta hopi rico na historia di Aruba, cultura di Aruba, na flora y fauna, pasobra tin hopi mata y bestia cu bo ta haya den Parke Arikok cu bo no ta haya mas na otro partinan di Aruba.

Esaki ta papel di e fundacion pa conserva y proteha esaki, ya cu ta mirando cu tin hopi construccion andando den varios parti di Aruba y esaki ta e unico parke di Aruba cu tin, cu e anexo di Spaans Lagoen y mirando den 2018, un anexo di 17 otro partinan natural y tambe e parke maritimo. Esaki ta duna un tiki mas forsa pa sigui encurasha muchanan cuminsando di chikito caba, e balor y e improtancia di naturalesa, no solamente pa awo, pero pa e futuro generacion tambe.

- Advertisement -

DUNA COMENTARIO

Please enter your comment!
Please enter your name here