Home Turismo Caribbean Palm Village Resort a inaugura su piscina nobo

Caribbean Palm Village Resort a inaugura su piscina nobo

25
0
SHARE
- Advertisement -

ORANJESTAD  (AAN):  Caribbean Palm Village Resort a celebra e re-apertura di su piscina completamente nobo recientemente, invitando huespednan y empleadonan pa disfruta di algun coi bebe riba e deck di e piscina di landamento grandi y moderno, situa na e area zuid di e propiedad.

E resort ta 30 aña bieu y ta celebrando tres decada di hospitalidad como un centro carismatico di vakantie na Noord, inspira originalmente pa South Beach y e distrito di art deco na Miami. E ta sigui sirbi como anfitrion di multiple generacionnan di huespednan como un oasis auto-sosteni di trankilidad y amabilidad.

Mientras cu nan ta completamente operacional, e resort consistentemente y sutilmente ta sigui su directiva di mehora, cu trabaonan andando rond di e asina yama “front of the house” y “back of the house.” Mientras cu e piscina na e banda noord a wordo drecha dos aña pasa, e parti zuid a ricibi un facelift na 2017, y awo ta inclui un Jacuzzi, un swim up bar y matanan di oleifi incorpora den e landscaping.

Caribbean Palm Village Resort su afiliacion cu Interval International ta haci’e facil pa doñonan por pasa nan tempo di vakantie na cualkier di e mas di 2,900 resortnan ofreci, na mas di 80 pais, cu e flexibilidad di scoge con nan ta pasa nan vakantie, y un variedad amplio di beneficio balioso. Caribbean Palm Village Resort ta sigui ofrece doñonan un cas leu di cas, y un ambiente familiar berdaderamente special, desde 1987!

 

- Advertisement -

DUNA COMENTARIO

Please enter your comment!
Please enter your name here