Home Cultura Centro di Bario Brazil ta sigui cu nan sin fin di actividad...

Centro di Bario Brazil ta sigui cu nan sin fin di actividad pa bario

24
0
SHARE
- Advertisement -

ORANJESTAD(AAN): Hopi hende cu ta biba den Brazil kier haci hopi actividad pa mantene e centro di bario tambe uno activo y Willy Willems ta un di nan. Su lombrishi ta dera den Brazil. E ta biba den Brazil. E ta splica un tiki riba e actividadnan y kico mas nan kier haci pa mantene e centro di bario Brazil bibo.

Si bo tin un centro di bario, bo ta tene actividad y hasta tene muchanan for di caya a base di e actividadnan cu ta haci. No solamente muchanan, pero hasta grandinan cu actividadnan cultural, cual Centro di Bario Brazil ta hopi conoci pe.

Willems ta conta riba e actividadnan cu lo haci. Kico a haci, kico no, kico lo kier haci pa futuro.

Tur centro di bario na Aruba ta traha duro y Centro di Bario Brazil ta sobresali. Tur hende por tende di dje. E actividadnan cu tin, ta varios, entre otro parada cultura, te na Mens Erger je Niet, cual hopi hende ta bishita. Ta pensa tambe den direccion di mucha y deportistanan. Esey ta loke cu ta trahando riba dje. A bishita algun school pa mira e muchanan cu despues di oranan di atardi, por bin bishita e centro di bario. Pero tambe ta bay concentra riba e parti di deporte cual ta hopi importante.

Tin diferente deporte cu ta worde practica eyden. Taekwondo tin su torneonan eyden. Tin wega di Mens Erger je Niet. Tin ping pong ta tuma luga.

Recientemente, pa medio di Cede Aruba, e hobennan di bario y famia, a traha un gym. Tin un gym caminda cu e deportista, pero tambe tur esnan cu kier tende nan curpa fit, ta practica den centro di Bario Brazil.

Brazil Jrs. ta traha hopi bon cu mucha pa loke ta futbol. Tin un veld di yerba artificial, caminda e ta worde bon uza den dia. Anochi, caminda cu tin mas grupo cu kier train, ta trahando riba e sistema solar, unda cu kier cambia e luznan, caminda cu por traha riba oranan gescheduled. Tambe e area di basketball ta bay worde drecha, na un sistema mas moderno. Instruccionnan cu ta bay duna na coremento y canamento, ora cu mayornan trece nan yiunan, ta bay concentra riba e mayornan tambe. Tin area caminda cu por core y cana y haci diferente actividad.

Tin zumba cu tambe ta nobo den Centro di Bario Brazil. Tur dialuna y diaranson, di 6’or y mey pa 7’or y mey. Leu leu ta organiza zumba festival, caminda cu tur diferente instructor di diferente bario ta bay eynan y bin practica e parti di zumba.

Ta invita comunidad henter. Cualkier actividad deportivo cu tin, Centro di Bario Brazil ta conoci pa yuda y ta welcome e bario. Pero tin hende cu ta bin di otro bario, bin train den e gym. Tin por ehempel weightlifting, pero tambe esnan cu ta train atletismo, ta bay train eynan. E centro ta welcome tur deportista, pero tambe cu ta train tur deporte y ta habri caminda pa nan.

HORARIO:

Pa loke ta e parti di e gym, ya for di 8’or di mainta, te cu 9’or di anochi e luga ta habri pa practica. Ta bay habri poco mas tempran, pero esey ta pa 2018. Berdad ta cu e ultimo siman aki, lo bay ta un poco slow, pa motibo di e temporada, cual lo ta cera cierto oranan. Ta invita esnan cu kier train mainta pa bay eynan.

 

- Advertisement -

DUNA COMENTARIO

Please enter your comment!
Please enter your name here