Home Salud Chekeo di e meter di sucu na Botica di Servicio tabata un...

Chekeo di e meter di sucu na Botica di Servicio tabata un exito!

24
0
SHARE
- Advertisement -

ORANJESTAD(AAN)–  Segun comunicado di Botica  di Servicio, e boticanan di Servicio ta encarga pa tur pakete di chek sucu pa pashent nan di diabetes dependiente di insulina, pa asina optimalisa e maneho di diabetes. E pakete ta consisti entre otro di un meter pa chek sucu.

“Na comienso di aña 2017 nan a cambia pa otro marca”, segun Stacy Grêaux, asistente di boticario. “Pa por comproba cu e meter nobo y su teststrip nan ta trahando hunto manera un sistema, a wordo palabra conhuntamente cu UO AZV pa haci e chekeo tur aña, un bes pa aña.”

“Desde cu  a introduci e meter nobo, conoci pa Ht-One TD Gluco,  por bisa cu alrededor di 1800 pashent a cambia nan meter. Algun siman pasa  a invita tur pashent pa pasa haci chekeo di e meter”, Lennert van der Poel, Director Botica di Servicio a conta;

“E acogida a wordo bon ricibi ricibi? y nos no por ta mas contento. Esaki ta e prome chekeo di meter di sucu cu a wordo haci na Aruba, y lo ta sin duda no e ultimo! Hunto nos kier haci un colaboracion na salubridad, pa asina bira cada biaha mas mihor! “

Durante e periodo di chekeo, Botica di Servicio a traha hunto cu laboratorio pa por compara e resultado nan y asina comproba cu e resultado nan di e Ht-One meter ta cuadra cu e realidad. Esaki ta indicacion cu e meter ta cumpli cu tur regulation necesario di calidad.

Tin cu menciona cu tres meter so no a cumpli cu e rekisito nan necesario y wordo desaproba. E pashent por tin tur siguransa cu e uso di nan meter. Stacy Grêaux: “Comienso di aña 2018  lo invita un otro grupo pa pasa y hasi chekeo di nan meter”.

Pashent cu pa cualkier otro rason tin pregunta tocante e meter, por tuma contacto cu Botica di Servicio Post di Diabetico, na number di telefon +297 730 0536.

 

- Advertisement -

DUNA COMENTARIO

Please enter your comment!
Please enter your name here