Home Parlamento Chens tey cu ta bay lanta un comision nobo y lo pidi...

Chens tey cu ta bay lanta un comision nobo y lo pidi esnan di Stichting Subsidie Commissie pa entrega nan retiro

69
0
SHARE
- Advertisement -

Segun Endy Croes,

ORANJESTAD(AAN): Desde September Subsidie Commissie a bira Stichting Subsidie Commissie.

E ta un comision cu ta haya placa for di Lotto pa Deporte, pa mas di 24 federacion deportivo di Aruba haya placa for di esaki pa por draai nan campeonato y pa seleccionnan Sali representa Aruba den exterior.

Parlamentario di MEP Endy Croes durante un conferencia di prensa Dialuna a cuestiona asuntonan rond di e stichting aki.

El a indica cu den e statutonan a bin cambionan unda cu  awendia tin un raad van toezicht cu ta nombra un of mas bestuurder, cu den e caso aki ta un director.

“Den e nombracion aki nan a pone cu e minister ta wordo informa, pues esey kiermen cu nan ta saca full e poder ehecutivo for di man di e minister”.

“Nan ta cambia e statutonan pa nan mes nombra hende y na final di dia e comision autonomo aki ta bay ta esun cu ta percura ken ta haya cua fondo of no”, segun Croes.

“Mi ta kere na cualkier pais decente esaki no ta e forma corecto pa e cos bay y mi a papia cu e minister di deporte caba, unda cu lo wordo proponi pa lanta un otro comision cu yama Fondo Nacional Deportivo, si cosnan no wordo hasi corectamente y bin un entendimento pa loke ta e comision actual”, segun e parlamentario.

Locual lo sosode e ora ey ta cu e placa di Lotto pa Deporte ta bay wordo poni den e comision nobo cu ta bay yama Fondo Nacional Deportivo.

“Mas cu claro nos lo percura pa hasi negociacionnan na un manera decente, unda cu lo pidi tur cooperacion pa esnan cu ta manehando e parti aki por tuma nan retiro y traspasa esaki na un manera decente na e minister di Deporte”. Esaki segun Croes.

 

 

- Advertisement -

DUNA COMENTARIO

Please enter your comment!
Please enter your name here