Home Hudicial Cinco aña di prison pa trio cu a haci asalto arma na...

Cinco aña di prison pa trio cu a haci asalto arma na oficina auxiliar di Gobierno na Savaneta

453
0
SHARE
- Advertisement -

Dos di e acusadonan a bisa di biaha cu nan ta apela

ORANJESTAD (AAN): Diamars  merdia 2’or, Hues di Corte den Promer Instancia, a dicta sentencia den e caso penal cu Ministerio Publico a cuminsa contra e trio R.P., I.P. y M.H. Tratamento di e caso a tuma lugar 27 di November 2017 caminda Fiscal a exigi 5 aña di prison pa cada un.

Durante tratamento di e caso riba 27 November 2017, R.P., I.P. y M.H. a worde acusa cu riba 31 Maart 2017, nan a haci un asalto arma na un departamento di Gobierno na Savaneta. Nan a haci e asalto arma den e oficina di Gobierno y warda pa e auto cu ta bay busca e placa. Nan warda na e parada di bus. Asina e auto Sentra a para, dos a bay riba e guardia cu a baha pa busca placa. Dos otro cu tabata den un Yaris preto tambe a bay yuda.

A pusha cu forza e guardia contra e auto y a purba coy su arma di trabao. A dal’e dos biaha riba su cabez. A bringa cun’e y a los un tiro cu su arma. Ta compania di seguridad cu a bay busca placa.

Fiscal a bisa cu e ta haya legalmente proba cu e trio aki a haci e asalto arma cu violencia y hasta a tira. El a exigi 5 aña di prison, kitando e tempo cu nan ta sera den KIA.

SENTENCIA:

Diamars merdia R.P., M.H., D.A. a presenta den Corte. Hues a bisa cu e ta haya legalmente proba e asalto arma riba 31 Maart 2017 y posecion di arma di candela.

Pa cu e castigo Hues a bisa cu e ta tene cuenta cu e trio a usa violencia y hasta a los tiro. E hecho aki a sacodi comunidad. A causa sentido di inseguridad den comunidad. Hues a mustra cu e victimanan por keda afecta pa hopi tempo. Tambe Hues a menciona cu e asalto arma por tacha economia di Aruba mirando turismo caminda ta propaganda Aruba como un pais sigur.

Hues tambe a mustra cu e acusadonan R.P. y I.P. anterior a yega di worde condena pa posecion di arma. Pa loke ta e demanda di Departamento di Impuesto, Hues a declara esaki no admisibel. Esey ta nifica cu ainda Departamento di Impuesto por cuminsa un caso civil contra e trio aki.

Hues a condena e trio na 5 aña di prison. Por a ripara cu tanto I.P. como M.H. no a keda nada contento cu e sentencia. E mesun momento nan a bisa cu nan lo apela e sentencia.

Hues a bisa nan cu nan tin un periodo di 2 siman pa apleacion e sentencia.

 

- Advertisement -

DUNA COMENTARIO

Please enter your comment!
Please enter your name here