Home Comercio Cisco y Digicel a cera acuerdo pa acelera transformacion digital den Caribe...

Cisco y Digicel a cera acuerdo pa acelera transformacion digital den Caribe y Centro America

15
0
SHARE
- Advertisement -

ORANJESTAD (AAN): Cisco, e lider den tecnologia mundial y Digicel, un proveedor di servicio di telecomunicacion cu ta cubri un teritorio grandi den Caribe, a firma un “Caribbean Countries Digitalization Frame Agreement” diseña cu e obhetivo y plan strategico pa acelera e agenda digital y maneho di digitalisacion existente den 26 pais den Caribe y Centro America.

Bao di e “Frame Agreement”, ambos compania lo colabora pa desaroya e vision di digitalisacion pa cada pais den areanan defini pa implementacion y proyecto specifico, manera “Healthcare/Telemedicine”, “Smart Cities” y “Connected Schools”, como tambe pa desaroya un strategia educacional basa riba un “Cisco Networking Academy”. E meta ta pa crea un “pipeline” pa proyectonan pa futuro, cu ta inclui infrastructura “enhancement”. E colaboracion cu Digicel ta afirma e strategia di Cisco pa un compromiso di termino largo.

“Digitalisacion ta e yabi pa desaroyo economico den cualkier pais. Door di e partnership cu Digicel, nos meta ta pa crece den GDP, crea trabaonan nobo y inverti den un innovacion sostenibel di eco-sistema a traves di sector publico y priva den Caribe y Centro America”, asina Alison Gleeson, Presidente di Cisco Americas a duna di conoce. “E colaboracion di Cisco y Digicel lo habri caminda pa crecemento di paisnan den region, posicionando nan mes den prosperidad di termino largo den e Digital Age.”

E Frame Agreement ta diseña dedicacion cooperativo pa identifica obhetivo nacional y problemanan den paisnan pa desaroya iniciativa y facilita innovacion. Cisco lo provee conocemento y sosten a base di e tecnologia central di compania pa Enterprise Networking, Collaboration, Wireless, Datacenter y Software. E acuerdo, esta e desaroyo di un strategia di IT educacional pa implementa na nivel nacional, basa riba e programanan di Cisco Networking Academy.

“Digicel y Cisco ta comparti un meta mutuo di yuda e region bira mas eficiente y competitivo global durante e transformacion digital,” asina Vanessa Slowey, CEO Digicel di Caribe y Central America a expresa. “Digicel lo enfoca riba proyectonan den Caribe cu ta alinea cu e agenda di digitalisacion di Cisco y lo partner pa desaroya e proyectonan aki den paisnan specifico di Caribe pa asina transforma servicio di telecomunicacion y crea solucionnan sostenibel”.

E lista inicial di paisnan scogi ta inclui: Anguilla, Antigua & Barbuda, Aruba, Barbados, Bermuda, Boneiro, British Virgin Islands, Cayman Islands, Corsou, Dominica, El Salvador, French West Indies, Grenada, Guyana, Haiti, Jamaica, Montserrat, Panama, Saint Lucia, St. Kitts & Nevis, St. Vincent & the Grenadines, Surinam, Trinidad & Tobago y Turks & Caicos Islands.

Cisco y Digicel ta partner desde 2009, di cual Digicel ta un rebendedo autorisa di Cisco pa hopi pais den Latino America y region di Caribe. Door di drenta den e Frame Agreement aki, Digicel y Cisco a alinea nan vision pa mehora eficiencia, provee siguridad, proceso di streamlining y a realisa innovacion y competitivo “entrepreneurial” a traves di e region.

Gustavo Sorgente, General Manager di CANSAC, Cisco (CANSAC Central America, Noord Zuid America y Caribe)

“Strategia digitalisacion di Cisco ta un compromiso di termino largo pa un partnership cu liderazgo nacional, industria y academia pa entrega resultadonan mas lihe y mas efectivo. Su obhetivo ta pa acelera e agenda nacional di digitalisacion p’e crecemento di GDP, pa crea trabaonan nobo y inverti den innovacion sostenibel di eco-sistema den sector publico y priva”.

“Cisco ta comprometi pa yuda paisnan acelera nan transformacion digital y nos a desaroya un kader (framework) pa traha cu gobierno, negoshi y academia pa implementa efectivamente iniciativa digitalisa cu ta avansa e desaroyo economico door di crecemento di GDP, creaccion di trabao y inverti den innovacion sostenibel di eco-sistema.”

David D’Oliveira, Group CEO (Caribbean & Central America) – Digicel Business:  “Como digitalisacion ta acelera, infrastructura di vanguardia lo crece e GDP di un pais, reduci gastamento y ta crea trabao. E lo permiti gobierno pa extende e alcance y impacto di e servicionan publico door di converti vision den accion. E ta permiti cu gruponan nobo y diferente empresario ta kere cu empresanan cu lo duna e forma na mundo, a la bes ta proporciona mas accesibilidad y oportunidad pa educacion y carera basa riba tecnologia.”

Transformacion digital por yuda sigura cu paisnan bira mas competitivo riba e etapa global. Manera e mundo ta bira mas conecta y digital, teniendo e eco-sistema digital corecto na luga lo ta un rekisito pa logro economico, social y exito politico.”

Como un di e prome proveedor di comunicacion den mundo pa inicia un transformacion di agenda den escala amplio, Digicel ta emociona di a bira partner di Cisco den crea camindanan pa prosperidad di e paisnan den region”.

“Trahando cu Cisco ta un avance den agendanan digital di paisnan den region ta subraya e compromiso di Digicel pa entrega clase mundial e solucion y servicio pa crea resultadonan transformacional”.

 

- Advertisement -

DUNA COMENTARIO

Please enter your comment!
Please enter your name here