Home Cultura Comision trahando duro riba Festival Grandi di Dande

Comision trahando duro riba Festival Grandi di Dande

74
0
SHARE
- Advertisement -

ORANJESTAD (AAN): Manera DIARIO a anuncia caba, e fecha pa Festival Grandi di Dande riba Plaza Libertador Betico, ta Diabierna 29 di December.

E interes ta hopi grandi pa e di 44 festival di Dande, propio composicion y tipico.

E festival lo tuma luga riba diasabra 29 di december venidero na Plaza Betico Croes pa 7’or di anochi. E interes ta mustra un biaha mas cu e lo bira hopi grandi y por spera un publico hopi grandi mirando cu hopi agrupacion musical di dande a busca informacion di e festival y te hasta tin dirigente a confirma nan participacion cu mas di un cantante.

Fundacion Festival Dande a tuma e decision pa yama un reunion y alavez habri registracion pa e 4 festivalnan, festival tipico, propio composicion y dande den categoria dama y cabayero. Tin tur indicacion cu e festivalnan lo bira un otro exito pa motibo cu ta nos cultura y tradicion Arubiano. Fundacion Festival Dande a tuma registracion y finalmente  numera e agrupacionnan cu nan cantante segun numeracion di lot na Sandra’s Garden ayera atardi.

E festival ta priminti di bira grandi pa es motibo aki lo no por acepta mas agrupacion despues di tiramento di lot, pasobra ta importante pa tin un programa cla bon hinca den otro a base di lotmento.

Durante di e festival di Dande lo bay reconoce 7 baluarte di Dande.

Fundacion ta extende un invitacion na prensa pa asisti na e conferencia di prensa cu lo tuma luga despues di e tiramento di lot.

 

- Advertisement -

DUNA COMENTARIO

Please enter your comment!
Please enter your name here