Home Actividad Especial Concierto di Pasco lo bay ta den edificio bieu di “La Linda...

Concierto di Pasco lo bay ta den edificio bieu di “La Linda Children’s Department

169
0
SHARE
- Advertisement -

ORANJESTAD (AAN): “Saade Store”, “Casa Matias”, of popularmente den boca di pueblo yama “La Linda di mucha”, ta den pleno transformacion pa un gran concierto musical di di Fin di Aña cu lo tuma lugar Diadomingo awor dia 17 di December.

Un lugar sumamente inusual pa un concierto, pero ora nos mira cu e artista principal ta Edjean Semeleer, nos ta realisa cu lugarnan inusual pa su conciertonan ta un costumber.

Fundacion “GO Cultura” a encarga su mes cu organizacion di e proyecto fantastico aki hunto cu nos planta nacional Telearuba.

Nos tur por corda con na aña 2016, a presenta un recital fantastico den Stadhuis na Oranjestad. Djey na Maart di e aña aki, otro concierto magnifico den “Ser’i Noka” cu te awe ainda ta un concierto masha comenta den pueblo.

Pa December e aña aki, nos lo disfruta di “CELEBRACION!”. Un recital musical estupendo pa fin di aña, yena di nos propio talentonan local.

Pa esnan cu ta desea di ta parti di historia y di presencia e espectaculo mahestuoso aki, nos ta conseha bo pa comunica cu e organizadornan, pa averigua si ainda tin carchi obtenibel.

Fundacion GO Cultura, UNOCA, WEB Aruba N.V., Aruba Airport Authority, La Linda, High Performance, FCCA, SUBWAY, DIANLERI by DSHOP, OCCASIONS by Bdays & More y MANRIQUE CAPRILES ta invita bo pa experencia un produccion musical Historico, Monumental y Inolvidabel.

- Advertisement -

DUNA COMENTARIO

Please enter your comment!
Please enter your name here