Home General Coney Island di mas grandi cu a yega Aruba lo habri prome...

Coney Island di mas grandi cu a yega Aruba lo habri prome cu pasco

187
0
SHARE
- Advertisement -

ORANJESTAD(AAN): Pa algun dia caba ta mirando diferente movimento riba e area conoci como “Harbour Arena”.  Varios aparato pa rides, ta worde arma pa un Coney Island.

Y ainda falta mas aparato pa yega den 15 container, cu kizas ta yega e siman aki.  E lo bira esun di mas grandi cu a yega Aruba, y e lo cubri full e arena.  E lo bira en total 28 Rides.

E siman aki ya caba DTI, Directie Scheepvaart, Aruba Ports, y Cuerpo di Bombero a bay haci chekeo y keuring.

Steve Hudson, ta un di esnan cu ta encarga cu e proyecto aki, y a mustra cu ya caba autoridad a haci un pre-inspection.

Ta conoci cu na Aruba, ora cu tin un parke di diversion, ta pasa den tres, maximo cuater inspeccion.

Pero loke tabatin te cu Diamars riba Harbour Arena, no ta e parke completo.  Falta varios container mas pa yega.

E departamentonan a mustra di ta satisfecho di e manera cu nan ta reaccionando riba cual nan ta mirando.

Ora cu tur aparato ta cla arma, e ora lo bin cu un inspeccion final. Loke tin awor aki, ta algo mas cu mitar di e parke. Ainda falta 15 container pa drenta for di Cartagena, Colombia.

Tin un Spookhuis di 24 meter largo, cu ta bay den huki patras, cu ainda no a cuminsa arma y tambe e Rollercoaster (Montaña Rusa). Ora e ta completamente cla, e tereno actual lo bira chikito pa e parke.

Harbour Arena ta perfecto. Dilanti na entrada no a cer’e ainda, pasobra ta orientando pa kita un pida cu loke mester bira e luga di parkeer, pa por sigui bay un tiki mas leu. Awo cu e aparatonan cu tin arma, por mira cu di grandi cu e tereno a mustra, e no ta grandi suficiente pa e nivel di parke cu ta biniendo Aruba.

Hudson a splica cu e ta tiki cauteloso pa duna un fecha. Si ta e aña aki si. Nan ta asina leu cu si caba di arma tur locual cu tin riba e tereno awor aki, pendiente e 12nan yega for di Cartagena, ta habri e aña aki. Tambe pendiente di e dos otro inspeccionnan cu tin cu tuma luga ainda.

 

 

- Advertisement -

DUNA COMENTARIO

Please enter your comment!
Please enter your name here