Home Actividad Especial Coney Island ta den su fase final pa apertura den dianan venidero

Coney Island ta den su fase final pa apertura den dianan venidero

61
0
SHARE
- Advertisement -

ORANJESTAD(AAN): Yamadanan ta drenta for di tur skina, for di mayornan cu cada biaha ta puntra ora cu nan mira e prome reportahe cu a haci, cu nan kier sa ki dia e Coney Island ta habri, pasobra e muchanan ta cu vakantie.

Steve Hudson, kende ta un di e motornan tras di e Coney Island a splica cu tabata spera riba varios  container cu tabata yegando cu ekiponan pa asina e muchanan por gosa di e Coney Island cu pa hopi tempo no a yega Aruba, den un forma asina grandi.

El a conta cu nan ta hopi contento cu por fin e ultimo 14 containernan a yega y tur cu ta riba e tereno, ta transportando for di Barcadera, cu ta e ultimo aparatonan cu tabata en espera pa yega. A confronta hopi problema cu carga for di Colombia y for di Venezuela, pa motibo di traficacion di carga fin di aña. Esey a haci cu nan a atrasa casi un luna. A pone un meta cu no ta habri e parke aki si no ta cla. Kier habri’e completo. No kier habri’e un parti y bisa e hendenan cu tin un otro parti mas ta bin. Lo habri’e completo.

Tin un total di 23 aparato y no ta tur aparato tur hende por bay aden. Tin aparato cu ta 100% pa mucha so.

Un container cu a habri, ta un carousel di animal. Ta algo masha interesante. Practicamente nobo. Esey ta pa mucha so, di 2, 3, 4 of 5 aña. Tin aparato pa tiener, tin aparato familiar y pa adulto. O sea nan ta reparti. Ta pesey e parke aki ta asina diverso y diferente, pasobra tin aparato pa hende di tur edad. No tin cuenta cu ta bay cu e muchanan y no tin nada pami y ta sinta riba un banki warda nan diberti. Ora cu e muchanan ta diberti, papa cu mama tambe por diberti den un otro aparato, pasobra tin pa nan tambe. Esey ta haci e parke aki asina diferente for di tur otro parke cu a yega di bin Aruba. Na entrada ta bay cobra bao di diez florin en general.

Cada aparato ademas tin su prijs cada uno. Pero asina e ta tur caminda tambe basicamente. Tin aparato pa mucha, pero tin aparato cu ta yama double extremo. Tin aparato cu tin apenas 9 stoel, pero ta tuma 15 minuut pa bin ariba y bay abao. Ta cobra un tiki mas hopi pasobra no tin e cantidad di stoel na dje cu por pone tanto hende den un biaha cu e subi bay bin. Y ta aparatonan cu ta forma fila masha largo. Depende cua aparato, cuanto cen ta paga p’e. No tin aparato di 10 florin pa un hende drenta. Tur ta entre 3 y 9 florin pa e aparatonan.

 

- Advertisement -

DUNA COMENTARIO

Please enter your comment!
Please enter your name here