Home General Container completo scondi cu clapchi di 2014 patras di Supermarket na Noord

Container completo scondi cu clapchi di 2014 patras di Supermarket na Noord

29
0
SHARE
- Advertisement -

ORANJESTAD (AAN): Cada aña bo ta ricibi comentario di diferente ciudadano, cu nan ta keda disgusta cu tin clapchi cu no ta tira bon, comosifuera ta clapchi bieu.  Aunke ta pone awor sticker di “2017” riba nan, den pasado a bin descubri cu ta comerciante mes tin biaha na forma scondi ta cambia stickers bieu pa uno nobo.

Esaki atrobe a keda confirma Diaranzon mainta ora cu Comision di Vuurwerk di Gobierno di Aruba, a cuminza haci e controlnan necesario cu nan a duna pre-aviso di nan.

Ora di a yega den distrito di Noord, y a bay check patras di un Supermarket, nan a canta bingo!

E oficialnan a bin topa un container di 40 pia, scondi patras riba tereno di NG Supermarket na Kamay.  Y henter e container aki tabata yena cu clapchinan bieu.

Ora cu a keda controla e contenido di e container, a bin descubri cu tin clapchinan cu ta data hasta di aña 2014, como tambe 2015.

CONFISCA CONTAINER:

Pa e hecho inaceptable y falso aki, mesora Comision di Vuurwerk a tuma decision, cu ta kita e vergunning mesora!  Esey kiermeen cu NG Supermarket na Noord no por bende clapchi mas pa añanan venidero.  Y tur nan clapchi cu a worde busca y importa e aña aki, tampoco no por worde bendi.  E container di 40 pia tambe a worde confisca.

E controlnan ta sigui!  Asina e ciudadano di Aruba ta mira cu di berdad nan sospecho a bira realidad.  Pero Comision di Vuurwerk ta sigui traha pa sigura cu clapchinan bieu no ta worde bendi mas.

Pueblo di Aruba semper ta confia cu comerciantenan lo sa di duna respet, y stop di bende pueblo productonan bieu.  Consumidornan ta traha duro pa nan placa, y nan merece di haya mercancia fresco tur fin di aña.

Diaranzon madruga di trempan caba, trekkernan tabata pariba-pabao den tur bario ta entregando container di clapchi na e comerciantenan.  Henter madruga deposito di Wela tabatin movimento y control.

Si acaso abo tin sospecho cu algun lugar ta bende clapchi bieu, lo ta bon idea pa pone autoridad na altura pa asina nan haci un control.  Y basa riba e cantidad di clapchi cu a worde importa pa 2017, tin indicacion cu lo tin menos na benta e biaha aki, compara cu aña pasa.

MENOS CLAPCHI E AÑA AKI:

Segun autoridadnan, loke a wordo importa e aña aki ta menos cu aña pasa, automaticamente tin menos containers para riba WELA.

Diaranzon madruga, un total di 28 container tabata presente reparti cu nan clapchinan pa subi caya marduga. E punto nan di benta si a keda mesun cos pero djis e cantidad di clapchi ta menos. Ta di remarca cu aña pa aña e benta di clapchi ta baha na Aruba.
Controlnan lo wordo hasi na e punto nan di benta. Si pueblo experencia algo menos bon cu nan mes of na punto nan di benta por yama Polis of Brandweer y nan lo zorg pa manda e grupo controlado na e punto di benta nan aki. Diferente departamento lo pasa na tur di e punto nan di benta pa control. Esaki ta e comision di vuurwerk.
E prome dia oficial pa cumpra clapchi ta dia 27 di December. Por cuminsa tira clapchi manera cu solo sali te cu 10’or di anochi. E horario ta stipula asina pa por tene comprension pa esnan cu no ta tira clapchi y automaticamente mester tin ora di sosiego tambe. Esaki ta conta te cu dia 31 di December.

Riba 1 di Januari por tira clapchi te cu 1’or di merdia. Si esaki no ta e caso lo tin consecuencia pa cu esey.

- Advertisement -

DUNA COMENTARIO

Please enter your comment!
Please enter your name here