Home Policial Container completo scondi cu clapchi di 2014 patras di Supermarket na Noord

Container completo scondi cu clapchi di 2014 patras di Supermarket na Noord

1990
0
SHARE
— Container completamente yen cu clapchi bieu cla pa bende.
- Advertisement -

ORANJESTAD (AAN): Cada aña bo ta ricibi comentario di diferente ciudadano, cu nan ta keda disgusta cu tin clapchi cu no ta tira bon, comosifuera ta clapchi bieu.  Aunke ta pone awor sticker di “2017” riba nan, den pasado a bin descubri cu ta comerciante mes tin biaha na forma scondi ta cambia stickers bieu pa uno nobo.

Esaki atrobe a keda confirma Diaranzon mainta ora cu Comision di Vuurwerk di Gobierno di Aruba, a cuminza haci e controlnan necesario cu nan a duna preaviso di nan.

Ora di a yega den distrito di Noord, y a bay check patras di un Supermarket, nan a canta bingo!

E oficialnan a bin topa un container di 40 pia, scondi patras riba tereno di NG Supermarket na Kamay.  Y henter e container aki tabata yena cu clapchinan bieuw.

Ora cu a keda controla e contenido di e container, a bin descubri cu tin clapchinan cu ta data hasta di aña 2014, como tambe 2015.

— Fecha ainda imprimi riba nan.

CONFISCA CONTAINER:

Pa e hecho inaceptable y falso aki, mesora Comision di Vuurwerk a tuma decision, cu ta kita e vergunning mesora!  Esey kiermeen cu NG Supermarket na Noord no por bende clapchi mas pa añanan venidero.  Y tur nan clapchi cu a wordo busca y importa e aña aki, tampoco no por wordo bendi.  E container di 40 pia tambe a wordo confisca.

E controlnan ta sigui!  Asina e ciudadano di Aruba ta mira cu di berdad nan sospecho a bira realidad.  Pero Comision di Vuurwerk ta sigui traha pa sigura cu clapchinan bieu no ta wordo bendi mas.

Bendemento di clapchi ta cuminza Diahuebs 28 di December, y e speranza tey cu comerciantenan lo sa di duna respet, y stop di bende pueblo productonan bieu.  Consumidornan ta traha duro pa nan placa, y nan merece di haya mercancia fresco tur fin di aña.

— Autoridad a confisca tur esaki.

Diaranzon madruga di trempan caba, trekkernan tabata pariba-pabao den tur bario ta entregando container di clapchi na e comerciantenan.  Henter madruga deposito di Wela tabatin movimento y control.

Si acaso abo tin sospecho cu algun lugar ta bende clapchi bieu, lo ta bon idea pa pone autoridad na altura pa asina nan haci un control.  Y basa riba e cantidad di clapchi cu a wordo importa pa 2017, tin indicacion cu lo tin menos na benta e biaha aki, compara cu aña pasa.

- Advertisement -

DUNA COMENTARIO

Please enter your comment!
Please enter your name here