Home Parlamento Control mas estricto riba prijsnan den supermercado

Control mas estricto riba prijsnan den supermercado

134
0
SHARE
- Advertisement -

Deseo di fraccion di MEP:

ORANJESTAD(AAN): Tin algun proyecto cu fraccion di MEP den parlamento kier mira wordo ehecuta na 2018 y durante un conferencia di prensa Diaranzon, parlamentario Endy Croes a papia di esaki.

El a indica cu entre otro veld di Kudawecha mester di atencion.

For di Maart 2017 e luznan no tabata den bon estado, unda cu a baha nan pa repara nan y pone nan bek.

Sinembargo, falta alrededor di 30.000 florin pa por pone e luznan bek den funcion.

“Nos ta bay pidi y percura pa den prome lunanan di 2018 esaki wordo hasi”.

“Durante campaña nos a priminti tambe cu e veld na Noord di Sporting United y tambe na Sabana Grandi aki na Santa Cruz ta bay haya luz y nos ta bay percura den nos trabao como parlamentario, pa esaki wordo ehecuta”.

Esaki segun e parlamentario, kende a sigui bisa cu ta bay pidi tambe pa drecha e luznan y e pista di Palo Marga.

“Nos lo stimula nos ministernan tambe pa traha riba e problemanan cu tin den salubridad publico, caminda por ehempel tin listanan largo di espera prome cu un pashent por wordo mira pa un specialista”.

Esaki segun Croes, kende a indica cu tin biaha hende tin cu warda 6 pa 8 luna prome cu un specialista atende cu nan.

“Nos a priminti y nos ta bay percura pa bin cu un maneho pa reduci esaki den su totalidad”.

“Nos kier mira tambe controlnan hopi estricto di prijsnan den supermercado y hunto cu esaki, un maneho pa yuda baha costo di bida aki na Aruba, cu tabata e deseo expresa den henter pueblo”, segun e parlamentario.

 

- Advertisement -

DUNA COMENTARIO

Please enter your comment!
Please enter your name here