Home Impuesto Cooperacion ta importante ora Departamento di Impuesto yega di bishita

Cooperacion ta importante ora Departamento di Impuesto yega di bishita

21
0
SHARE
- Advertisement -

ORANJESTAD(AAN): Ora cu Departamento di Impuesto yega, no ta un departamento cu tur hende ta bisa cu ta bon bini segun Luenne Gomez Pieters. Pero si por bisa pueblo di Aruba, cu tin profesionalnan ta trahando y ta atende cu e bevoegdheden den ley manera mester ta.

Ta pidi pa coopera, pasobra sino e consecuencia ta pa nan mes. Departamento di Impuesto tey pa percura cu e pagonan di impuesto ta sosode y tur hende ta paga segun e directora. No ta un grupo chikito so, sino tur hende cu tin cu paga ta paga. Y un rol grandi cu tin ta pa duna informacion na esnan cu no ta compronde.

A duna diferente sesion di informacion durante e aña, hunto cu DOW, ta un di e ehempelnan caminda cu a splica e contratistanan chikito trahando canto di caminda, kico ta wordo spera di nan como negociante chikito.

A papia recientemente cu Camara di Comercio, caminda cu a palabra durante e aña cu ta bin cu lo bay duna sesion di informacion pa negoshinan cu ta start. Pa esnan cu ta start un negoshi, tambe ta informa cu haci negoshi, pagamento di impuesto tambe ta parti di e business plan.

Pasobra si no paga e impuestonan cu tin cu paga na final, despues e situacion ta escala y ta trece consecuencianan toch indesea pa e negociante. Lo kier ta hopi mas cerca di e pueblo pagado, of di e comunidad, caminda cu ta duna informacion tambe, of clientenan cu no ta compronde, por haci un cita, caminda cu lo por splica un ke otro den un tiki mas den detaye, of den un setting un tiki mas priva cu no ta e momento ey riba caya.

Esakinan ta parti di trabaonan cu ta haci semper como Departamento di Impuesto y lo kier haci esaki un tiki mas intensivo den e aña cu ta bin, pa e cliente cu ta paga, pa haya un servicio di calidad eleva.

 

 

- Advertisement -

DUNA COMENTARIO

Please enter your comment!
Please enter your name here