Home Parlamento Den dos siman di gobernacion ya caba gobierno no kier cumpli cu...

Den dos siman di gobernacion ya caba gobierno no kier cumpli cu ley di CAft

296
0
SHARE
- Advertisement -

Parlamentario Richard Arends:

ORANJESTAD (AAN): Parlamentario Richard Arends di fraccion di AVP, a desmenti loke cu tanto Prome Minister Evelyne Wever Croes como Minister di Finanza Xiomara Ruiz Maduro a declara den e prome conferencia di prensa dialuna ultimo relaciona cu finansa di Aruba.

“Loke ta asombra mi t ta cu enfaticamente nan ta bisa di no por cumpli ni cu e norma di aña 2017, cu ta un deficit 0.5%. cu ta mas o menos 25 miyon Florin,  ni tampoco cu e surplus di 0.5% stipula pa aña 2018.”

Ta normanan cu a keda aproba den e ley di CAft na 2014 y caminda  cu for di e tempo ey tur aña Gabinete Mike II a sa di cumpli cabalmente cu e normanan y tur hende por bay riba e website di CAft, unda por baha tur e rapportnan, unda cu ta bisa cu na 2015, 2016 y 2017 a sa di cumpli cu e normanan, manera a keda acorda den e ley di supervision financiero temporario.

Mi ta asombra pa e hecho cu tres siman pasa e Gobierno demisionario a entrega e presupuesto supletorio di 2017, cu tabata cumpli cu e normanan di 0.5% di CAft.

Gobierno di Gabinete Mike Eman II a sa di reduci e deficit den e tres añanan ey cu 500 miyon Florin,  for di 9.4 te cu 0.5% y cu ta igual na 125 miyon tur aña y cu hopi asombra nos ta mira cu e Minister di Finanza nobo, a indica cu nan no por cumpli cu e surplus di 25 miyon Florin pa 2018.

Tambe nos a tuma nota tambe di e expresion cu e Gobierno cu a caba di sinta,  ta bisa cu e cifranan financiero ta cifranan cosmetico, supuestamente fabrica,  y aki mi kier ta hopi cla den esaki.

No tin ningun area di maneho unda cu tabatin asina tanto escrutinio y tanto transparencia manera Finanza Publico bou gobernacion di Gabinete Mike Eman II.

Nos ta bou escrutinio di CAft  y esey ta indica cu tur presupuesto y cambio di presupuesto, incluso  presupuesto supletorio,  mester haya conseho di CAft.

Gabinete Mike Eman II a entrega tambe 10 rapport di kwartaal riba desaroyo di gasto y entradanan na Parlamento y mi no ta compronde cu ta worde bisa cu cifranan ta worde manipula. A base di e ultimo informe di kwartaal entrega a traha e presupuesto supletorio pa 2017 caminda a gasta 75% di loke a worde presupuesta y e entradanan tabata up-to-part cu esey.”

Pa loke ta entradanan cu a worde bisa cu no a drenta, mi tin cu bisa cu a palabra cu Refineria di Aruba cu prome cu fin di aña, lo paga e suma placa palabra, caminda e ‘boekingsjaar’ ta finalisa na maart di 2018  y e placa lo drenta y  e fecha final pa paga winstbelasting, tabata dia 30 di november.

Pues den tres dia dificilmente e lo por a haya un informe caba cu si a cumpli cu e 50 miyon di entrada,” Parlamentario Richard Arends a mustra.

Na mes momento ta hendenan aki di e gobierno actual, a hiba un campaña politico cu finansa como punto principal y a priminti  cantidad di cos na pueblo pero ya awor ta papia cu nan no por cumpli cu esaki y e formulanan cu nan mes a bisa pueblo cu nan lo aplica, manera baha e total di Ministernan te cu 7 pa scapa miyones cu lo yuda den cubri gastonan di maneho, awor tampoco a worde ehecuta, e miembro di fraccion di AVP a mustra.

 

 

- Advertisement -

DUNA COMENTARIO

Please enter your comment!
Please enter your name here