Home Impuesto Departamento di Impuesto lo haci su bishitanan na bendedonan di clapchi

Departamento di Impuesto lo haci su bishitanan na bendedonan di clapchi

45
0
SHARE
- Advertisement -

ORANJESTAD(AAN): A tuma nota di un publicacion di Departamento di Impuesto cu tin di haber cu na momento cu benta di clapchi cuminsa, den un temporada cu hopi placa ta draai, ta sali riba caya pa bay mira e cliente of atende cu e clientenan. Segun directora di Departamento di Impuesto, Luenne Gomez-Pieters, ta algo normal. A publik’e den un comunicado di prensa.

E departamento ta consisti di 22 pa 23 afdeling en total. Tin e FIOD Afdeling cu ta traha hunto cu Afpakteam. Banda di FIOD tin un controle team cu ta haci control riba administracion di clientenan.

No solamente administratie, pero tambe den e caso aki ta haci un bishita di trabao, caminda cu lo splica e clientenan cu ta bende clapchi, of esnan cu ta bende clapchi, cu tin un permiso pa bende clapchi, kico ta spera di nan, con asina nan lo mester administra e benta di clapchi, con nan lo mester por paga e impuesto tambe den e caso aki BBO.

E ta algo cu ta haci durante aña na varios ocasion, no solamente awo cu ta benta di clapchi, pero ta haci esaki tambe na conciertonan, na diferente otro tipo di cliente ora tin proyectonan ta start.

Ta percura pa Departamento di Impuesto tey pa haci un inventarisacion si e cliente ta registra, si tin empleadonan ta traha. Si nan ta registra pa e impuestonan cu nan tin cu registra, manera un BBO, Loonbelasting y tambe ta haci uzo di e oportunidad pa duna informacion tambe na e cliente, pa duna un tiki mas splicacion di e debernan di impuesto y tambe di su administracion cu ta algo hopi importante. Sin un administracion no por bay cumpli cu e impuesto cu lo mester wordo paga.

No ta asina cu ora cu nan subi caya, ta desconfia, of ora cu yega cerca un negoshi, un doño mester pensa cu eynan ta un negoshi cu no ta bezig ta cumpli. Esaki no ta e caso ora di haci un bishita di trabao. Ora cu e deurwaarder bin, e situacion ta bira un tiki mas serio.

Ora cu e bin cu un betekening, tin sprake di incumplimento. E cliente haya un cobransa, e no paga y no a worry tampoco cu e aanmaningnan cu a wordo manda. Ora cu un deurwaarder yega si na pia di trabao, of na pia di negoshi, e situacion a bira serio.

Ora cu e team di control yega pa haci un bishita di trabao, ta pa duna informacion pa papia cu e cliente pa percura cu e cliente ta compronde kico ta wordo spera di dje y tambe pa haci un sondeo pa mira si e cliente ta registra na Departamento di Impuesto. Si e cliente no ta cumpli cu e debernan di impuesto di pago manera mester ta, manera semper ta saca un cobransa adicional y den e caso aki lo por tin sprake di un boet, pasobra cu e cliente no a paga e impuesto manera debe ser.

Tur dia

A haci un seleccion. Desde dia 28 di December lo subi caya y haci un seleccion di esnan cu tin un permiso pa bende clapchi, caminda cu lo pasa bishita e instancianan aki. Den pasado a yega di haci esaki na varios ocasion. A yega di controla tambe esnan cu ta bende kerstboom.

E snacktrucknan tambe anochi, conciertonan y esakinan ta bishita di trabao. Naturalmente tin otro tipo di control tambe cu ta haci. Un boekenonderzoek ta hopi mas extenso. Eynan ta manda un carta oficial cu ta bisa cu ta bin tal y tal dia y ta e informacion cu tin mester. Eynan si ta bay sondea e administracion un tiki mas den detaye pa mira si di berdad a cumpli of no a cumpli cu e pagonan di impuesto manera mester ta.

 

 

- Advertisement -

DUNA COMENTARIO

Please enter your comment!
Please enter your name here