Home Impuesto Departamento di Impuesto lo keda flexibel cu doñonan di truck

Departamento di Impuesto lo keda flexibel cu doñonan di truck

8
0
SHARE
- Advertisement -

ORANJESTAD(AAN): Pa 2018, tur cos pa loke ta pagamento di number di auto, ta keda mesun cos. Segun directora di Departamento di Impuesto, Luenne Gomez-Pieters, pa loke ta truck drivers, nan tin cu paga nan nummerplaat den un solo pago, cual ta vigente den Ley.

A compronde di minister di finansas, cu e grupo aki di cliente a vocifera nan preocupacion pa loke ta pago di impuesto di vehiculo di motor, vooral ora ta trata di esnan cu tin mas cu un truck, caminda cu pa nan financieramente ta cay un tiki pisa pa por haci e pago den un solo biaha.

Den e cuadro ey, a palabra conhuntamente cu minister di finansas cu nan ta extende e maneho flexibel, caminda cu e truckdrivernan, of esnan cu no tin number A, por paga mescos cu esnan cu tin un plachi di number A. Pa nan tambe lo conta cu nan lo por paga na Januari y na Juni e impuesto di vehiculo di motor.

Plannan pa futuro

Tin plannan pa futuro pa loke ta plachi di number. Segun Gomez-Pieters, nan tin henteramente e rekisitonan di plachi, con e plachi lo mester ta. Awor aki a papia informalmente cu minister Bikker, pero mester sinta formal na mesa, pa scucha di nan banda tambe si KPA tin cualkier otro rekisito cu lo mester tene na cuenta.

Por ehempel un chip of barcode cu polis tambe por haci uso di esakinan den nan investigacion. Prome cu caba di rond af un ke otro y pa bespreek cu minister di finansas y despues bay den un destaho publico. Ta plannan pa 2018 pa asina cu por bay over na un plachi duradero.

Aunke e plachinan cu tin di 2015, no ta di mal calidad, pero a ripara cu tin un batch, y manera cu a comunica, e batch delaster tin algun di nan cu e verf a cuminsa blikia. Pero e intension ta cu ta un biaha ta otorga un plachi di number duradero.

Ora ta papia di plachi duradero, ta papia aki di 5 of 6 aña. Ta di compronde, ta un hype cu tur aña ta busca un plachi di number nobo. Esun cu tin su plachi number nobo pega riba su auto caba, ta algo di show off cu nan a paga nan impuesto di vehiculo di motor y nan tin nan plachi di number nobo.

Logisticamente esey pa Departamento di Impuesto, mester keda pensa riba eficiencia y kico ta haci bon, kico por haci miho. Ora cu mira berdad e sumanan cu ta bay pa pago pa druk un plachi di number aki anualmente y tambe e logistica, ora cu tur cliente lo mester pasa busca nan plachi cerca e departamento, e ta duna toch hopi di regla di parti di e departamento.

 

- Advertisement -

DUNA COMENTARIO

Please enter your comment!
Please enter your name here