Home Impuesto Departamento di Impuesto tin su cobransanan pero casi nunca “ta keda cu...

Departamento di Impuesto tin su cobransanan pero casi nunca “ta keda cu placa”

25
0
SHARE
- Advertisement -

ORANJESTAD(AAN): Ban haya sa mas di asunto di placa!  Presupuesto di Gobierno di Aruba ta depende tambe di entradanan cu Departamento di Impuesto ta cobra y tin cu bay Financien.

Tabata tin un discusion algun dia pasa cu ta bisa cu tin cierto departamento di Gobierno, por BAZV ta bisa cu nan no ta contento cu AZV.

Segun Luenne Gomez-Pieters, e manera cu ta cobra ta cash based. Loke nan ricibi na impuesto ta bay riba e cuentanan respectivo. Departamento di Finanzas ta maneha esaki y ta mira tambe loke cu mester worde paga a corto plazo, si ta leverancier, crediteuren, SVb, AZV, e restitucionnan cu tambe lo mester por haya e placa pa paga.

E parti ey di maneho riba e tereno ey, Directie Financien ta maneha e fluho di entrada cu Departamento di Impuesto ta haya. Nan conoce e prioridadnan cerca nan. Prestamonan cu tin cu worde afgelost, rentenan cu tin cu worde paga. A base di nan prioridadnan nan ta paga. Tin di compronde cu nan ta paga tambe AZV, SVb manera mester ta.

Na Aruba, ta tur tipo di impuesto cu Departamento di Impuesto ta cobra, ta bay pa Financien. Nan no ta keda cu ningun cen. Nan tin un otro rol pa cobra leges, retributies pa Dimas. Ta cobra tambe BAZV, Premies pa SVb, erfpacht tambe den nomber di DIP. Tin otro tipo di entradanan cu no ta directamente entradanan di impuesto cu Departamento di Impuesto tin incasso functie pe. Esey ta bay riba Algemene Rekening y despues e ta worde manda caminda cu mester ta den nomber di financien.

BAZV:

Segun Gomez, Departamento di Impuesto no tin retraso pa loke ta BAZV. Loke ta cobra, di biaha nan tin bista di loke ta drenta. Si tin cu keda pusha ainda. Aña no a caba. Tin cu percura pa e entradanan drenta manera cu ta spera. E luna di December, Loonbelasting, BBO, ainda tin cliente ta pagando Winstbelasting y tambe cu Loonbelasting, ta haya e primanan di AZV y SVb ta worde paga.

Cu esaki no tin retraso. Es mas, si mira entrada compara cu aña pasa, pa loke ta BAZV y SVB, e cobransa di primanan a subi, compara cu aña pasa. Esey ta algo for di e esfuerso di Impuesto, e parti di cobransa di nan, ta duna e resultadonan ey.

Placa cobra:

E placa cobra ta presupuesto di Departamento di Impuesto. Pais Aruba tin su presupuesto den su totalidad y e normanan cu tin cu cumpli cun’e, a base di e ley di CFT. Pero un parti di esey tin dos departamento cu ta contribui na entrada di Gobierno cu ta departamento di Impuesto y Douane. Invoerrechten y Accijns, loke ta worde cobra cu ta drenta tambe como entrada na Gobierno y loke Departamento di Impuesto ta cobra na impuesto y tambe pa loke ta e otro departamentonan, Leges, Retributies, etc.

Si mira e trend di ultimo aña, ta cobra na impuesto aña pasa a yega na 724 miyon Florin. Ta sumanan hopi grandi. E aña aki tambe lo mester yega den e mesun careda aki. Ta pesey mes kier facilita pago di cliente caminda cu ta sosode hopi mas online y no cash. Pasobra bo ta carga cierto risiconan, ora ta trata pagonan cash, cu ora clientenan ta bin cu cash na Departamento di Impuesto, cu mester tin siguridad tambe presente, pasobra ta un banco bo por bisa cu nan ta pa loke ta e parti aki y lo mester tin siguridad presente pa e cliente y tambe trahadonan di e Departamento di Impuesto.

E sumanan cu ta cobra ta sumanan grandi. Departamento di Douane tambe tin su trabao y su funcion y su rol den esaki. Ora ta trata entrada di Gobierno. E departamentonan ta importante y conhuntamente cu otro departamentonan cu ta cobra legesnan y tambe tin un rol importante den su totalidad pa loke ta Gobierno y pais Aruba.

 

- Advertisement -

DUNA COMENTARIO

Please enter your comment!
Please enter your name here