Home Salud Departamento di Salubridad Publico a haci entrega di nan poster di campaña...

Departamento di Salubridad Publico a haci entrega di nan poster di campaña na Comision Vuurwerk

11
0
SHARE
- Advertisement -

ORANJESTAD (AAN): Ichelle Simon, consehero di comunicacion di Departamento di Salubridad Publico (DVG) a bisa cu nan tambe ta forma parti di Comision di Vuurwerk, hunto cu Cuerpo Policial y di Bombero. El a indica cu ta hopi importante pa DVG forma parti di e comision, como cu uso corecto di klapchi, sin duda ta regarda salud publico.

DVG kier informa y educa pueblo di Aruba corectamente riba uso di klapchi y peligernan cu esaki por tin den casonan cu esaki lo wordo haci debidamente. Pa hopi aña caba DVG ta tene campañanan educacional y informativo pa pueblo di Aruba. Cada dos aña esaki ta cambia, y e aña aki DVG tin un poster nobo, na unda cada localidad cu lo bende klapchi, lo conta cu un poster, cu oficialmente ta wordo entrega na Comision di Vuurwerk, caminda cu por mira diferente tips pa loke ta trata cendemento di klapchi concientemente. Y sigur e areanan cu ta mas peligroso pa durante di esaki.

Tur aña tin algun caso, di loke ta trata personanan cu ta keda afecta na un of mas parti di nan curpa, pa medio di cende klapchi incorectamente. Esaki nos por bisa danki Dios, cu e casonan ta bahando y nan kier pidi pa tur hende haci uso di e tips cu ta para den poster, pa asina a bo no ta un casonan.

Riba e poster por mira diferente parti di curpa cu ta wordo afecta, manera wowo, cabez, cara, horea, pecho, braza, pianan, man y dede. Sin embargo ta man y dedenan ta e partinan cu ta keda mas afecta, y e poster ta indica algun tips di seguridad. Sigur e prome cos ta informa bo mes riba kico e klapchi ta bay haci, semper uza mecha largo pa cende klapchi, y despues di cende esaki, distancia bo mes cu por lo menos 10 meter, y no bolbe bek pa cende klapchi cu no a cende. Esaki ta specialmente pa muchanan, cu hopi biaha ta purba di cende klapchi cu no a rebenta.

Ta hopi importante pa mayornan papia cu hobennan riba peligernan di maluso di klapchi. Hopi biaha hobennan ta gusta experimenta cu klapchinan y esaki por resulta malo y hopi serio. Nan ta urgi tur hende pa sigui e tips di seguridad pa evita cualkier desgracia. Cumpra klapchi di mucha pa mucha y supervisa muchanan den tur momento. Cu e tips aki, DVG kier minimaliza cantidad di personanan cu ta wordo herida pa klapchi.

 

 

- Advertisement -

DUNA COMENTARIO

Please enter your comment!
Please enter your name here