Home Tempo Departamento Meteorologico Aruba awor usando equipo militar temporal pa pronostico

Departamento Meteorologico Aruba awor usando equipo militar temporal pa pronostico

31
0
SHARE
- Advertisement -

ORANJESTAD (AAN): E siman aki, Departamento Meteorologico di Aruba a keda cla cu e instalacion di un sistema militar temporal pa datonan meteorologico.

DIARIO a compronde cu e sistema aki ta un back-up cu a bin hunto cu e sistema grandi nobo di observacion di Meteo ta calcula di ta wordo instala na comienzo di 2018.

Por corda cu na 2015, Meteo di Aruba a confronta problemanan di su aparatonan riba pista di aeropuerto unda mayoria di avionnan Mericano

cu si tin safety di nan pasaheronan na pecho, a cancela vuelonan pa Aruba debi cu no tabatin datonan meteorologico confiable.

For di e tempo ey, Meteo ta ocupa cu gobierno pa obtene aparatonan nobo di observacion y un rain-radar.

Relaciona cu e aparato di observacion nos ta asina luew cu por instala esun nobo den 2018.

DIARIO a haya sa, cu ultimo lunanan Meteo a encontra diferente problemanan cu su aparatonan Meteorologico na Aeropuerto di Aruba.

Esaki a bin principalmente door di lamper y viehez di e aparatonan. Pa evita cu Aruba lo haya su mes atrobe confontra cu no tin dato Meteorologico cu ta inclui observacion- y pronosticonan pa avionnan, a opta pa instala un sistema Militar sofistica temporal.  Esaki lo keda funciona banda di e otro dos sistemanan meteorologico bieuw na Aeropuerto.

E sistema temporal aki ta midi biento, temperatura, humedad, presion atmosferico, awacero, visibilidad, haltura y cantidad di nubia, tipo di weer y actividad di lamper. E sistema ta genera e observacionan automaticamente, y si acaso ta necesario e observador di tempo por edit e observacion tambe.

Relaciona cu e sistemanan bieu, a compronde cu Departamento Meteorologico mes lo busca forma pa drecha nan.

Aki por mira e sistema militar temporal instala na Aeropuerto di Aruba.

- Advertisement -

DUNA COMENTARIO

Please enter your comment!
Please enter your name here