Home Salud Desde 2015 a nota subida drastico di casonan di HIV na Aruba

Desde 2015 a nota subida drastico di casonan di HIV na Aruba

67
0
SHARE
- Advertisement -

ORANJESTAD(AAN): E casonan recien di HIV na Aruba ta conoci. Mas tanto di HIV, e casonan di aña 2016 tabata mas of menos 45. Den 2015 a haya un subida drastico di casonan positive segun Arnelda Els di e Departamento di Malesanan Contagioso. Prome cu esey tabata tin un averahe di mas of menos un 23 caso nobo pa aña.

Na 2015 diripiente a haya un subida drastico di riba 50 caso pa e aña ey. Y pa 2016 e ta mas of menos un 45, manera ya menciona.

Els a splica cu estudionan no a worde haci, pero ta pensa cu no por bisa cu hendenan ta birando mas conciente, cu nan ta test mas tanto, of ta en berdad e casonan di HIV ta subiendo mas tanto den comunidad di Aruba. Na Corsou ta mira pa siman 3 pa 4 caso nobo.

Un biaha mas, no sa si ta hendenan ta test bastante of en berdad ta cu e casonan nobo ta bin pa siman. Locual cu kier awor aki ta pa hendenan cuminsa test. Bo tin cierto comportacion di risico, test regularmente. Haci bo testnan di HIV. Tin diferente caminda cu bo por test.

Pasobra mas lihe bo sa bo status di HIV, mas lihe bo por haya tratamento. Awendia HIV casi ta worde considera como un malesa cronico mescos cu un diabetico. Como diabetico ta bebe remedi, mantene un dieta y bo ta biba pa largo.

Tin hende ta muri di HIV. Aunke den e ultimo aña aki, no tabata tin caso di morto door di Aids. Pero den añanan prome, e factor cu tin aki ta hendenan ta haya sa cu nan tin HIV mucho laat. Ora cu nan tin tur e sintomanan aki caba di Aids y no por worde trata mas. Ta un factor cu tin cu test tempran.

No tin mucho estudio tocante di kennan ta hay’e, sea cu nan ta di e mesun sexo of no. Els a splica cu por haya un bista, pero un biaha mas, door cu e informacion ta asina schaars, den sentido cu no por bisa cu e ta mas den hende homber cu homber of ta mas cerca heterosexualnan of hendenan gay, of cerca hoben. Por menciona categoria di edad, cu ta mas den entre 20 bay ariba.

Loke por bisa si, cu e ta den categoria di edad cu ta mas productivo den comunidad. Ta net den temporada cu bo ta traha, entre 20 y 60 aña, tin casonan.

Tin dato te cu 2017 cu ta mustra cu tin un averahe di 4 caso pa aña, caminda e ta subi y baha. E cantidad di mas halto cu tabata tin te basta aña, 1999, cu tabata tin 10 caso cu a fayece di HIV. Despues e ta varia. Esun di mas abao tabata na 2005, 2012. E averahe ta mas of menos 4 pa aña.

 

 

- Advertisement -

DUNA COMENTARIO

Please enter your comment!
Please enter your name here