Home Parlamento Detencionnan cu a tuma lugar no tin di haber cu persecusion politico

Detencionnan cu a tuma lugar no tin di haber cu persecusion politico

44
0
SHARE
- Advertisement -

Parlamentario Daphne Lejuez di MEP:

ORANJESTAD (AAN) – Dialuna mainta, Parlamentario sra. Daphne Lejuez a duna inicio na e conferencia di prensa di fraccion di MEP.

El a referi na e noticia cu a domina opinion publico den fin di siman, cu ta e detencionnan cu a sosode, di personanan cu ta sospecha di a tuma aparatonan cu a disparce di Bestuurskantoor.

E Parlamentario a tuma nota cu ta wordo papia di persecusion politico of si tin algo di haber cu e persona.

E parlamentario a subraya cu mester reflexiona y realiza cu esaki tin nada di haber cu persecusion politico, pero mas bien tin di haber cu falta di material.

El a expresa cu mester compronde cu ora persona bay traha na un caminda y su doño di trabao ta cumpra material pa e bay traha cune, esaki automaticamente ta nifica cu e no por bay cas cu e material ey ora e relacion di trabao ta termina y ta logico cu ora e equiponan ta haci falta e dunador di trabao of e compania ta bay haci un denuncia y un investigacion ta cuminza cana.

Parlamentario sra. Lejuez a subraya cu den e caso aki ta cu gobierno via e departamento concerni ta haciendo un investigacion. No ta cu gobierno ta entromete den esaki sino cu mescos cu ora un minister di e gobierno anterior a worde deteni y investiga no a yame tampoco persecusion politico di su propio partido. E tabata un investigacion andando di parti di Ministerio Publico.

El a subraya cu aki ta papiando di responsabilizacion y di con gobernacion y integridad ta wak unda e placa di pueblo a bay. No tin nada di haber cu e persona pero e tin mas di haber cu hiba un maneho transparente y responsible.

- Advertisement -

DUNA COMENTARIO

Please enter your comment!
Please enter your name here