Home Gobierno Dia 9 di December lo paga Kerstbonus na esnan cu ta cobra...

Dia 9 di December lo paga Kerstbonus na esnan cu ta cobra bijstand

652
0
SHARE
- Advertisement -

Minister Glenbert Croes:

ORANJESTAD (AAN) – Den conferencia di prensa di Gobierno, Dialuna mainta, Minister di Asunto Social y Labor, a duna di conoce cu gobierno a confronta un di su prome desafionan den su prome simannan di gobernacion.

Esaki ta ora el a wordo notifica pa Departamento di Asunto Social, cu e mester aproba e Kerstbonus pa un balor di casi 1.2 miyon florin, pa tur ciudadano cu ta cobra bijstand.

E suma ta presupuesta, pero e problema cu a surgi ora e mandatario a haya e carta, ta cu na momento di prepara e hustificacion financiero presupuestario pa haci e pago aki, pa e tuma lugar dia 9 di December proximo, a bin constata cu e placa no tey.

E mandatario a dicidi di bay Conseho di Minister pasobra no por ta asina cu nan lo a keda sin paga e kerstbonus na e grupo cu ta cobra bijstand, ya pa 20 aña caba.

Minister Glenbert Croes a pidi Conseho di Minister pa e kerstbonus wordo paga dia 9 di December y cu nan ta instrui su persona como Titular di Asunto Social y e Minister di Finanza, pa busca e fondonan pa cumpli cu e compromiso aki.

Esaki a tuma lugar y ambos minister cu nan respectivo team a sinta y pa felicidad di tur e ciudadanonan cu ta cobra bijstand a anuncia cu lo paga esaki dia 9 di December, y a gradici henter e gobierno pa sostene e compromiso aki.

- Advertisement -

DUNA COMENTARIO

Please enter your comment!
Please enter your name here