Home Social “Dia di boluntario y dia internacional di Clubnan Leo!”

“Dia di boluntario y dia internacional di Clubnan Leo!”

7
0
SHARE
- Advertisement -

5 di December

ORANJESTAD  (AAN): “Aruba One Happy Island Lions Club” ta uni su mes na felicita tur boluntario riba Dia Internacional di Boluntario, especialmente na tur Clubnan Leo na mundo, cu tambe a celebra Dia Internacional di Clubnan Leo”.

Clubnan Leo ta un programa patrocina pa Club di Leonan, caminda ta crea lidernan bao di nos hubentud, cu e lema Liderazgo Experiencia y Oportunidad.

5 di December ta recorda cu 60 aña pasa e promer Club Leo a wordo forma y asina brinda e oportunidad na hobennan pa desaroya nan cualidadnan di lider den nos comunidad.

Na 1957 Sr. Jim Graver tabata coach hobennan den un wega di bala y e posibilidad ta cu e bala aki ta uno di baseball. Sr. Graver tabata e coach di baseball di Abington High School na Pennsylvania, Estados Unidos y tabata un miembro di Glenside Lions Club. Cu e ayudo di su compañero Leon, William Ernst, e promer club Leo a wordo funda riba 5 December 1957.

Como e promer Club di Leo na mundo, Abington High School Leo Club a crea e nomber Leo, cual ta deriva di Liderazgo, Igualdad y Oportunidad, na ingles Leadership, Equality and Opportunity. Nan a scoge e colornan maron y oro pa sirbi como e colornan di Clubnan Leo. Despues e palabra Igualdad a wordo cambia pa Experiencia.

Na 1967, e directiva di Club di Leonnan Internacional a adopta e programa di Clubnan Leo como un programa official di e asociacion. Cual programa a bin ta crece pa e ultimo 50 añanan. Servicio na comunidad ta keda e meta principal di e programa. Manera nan contra partido, Miembronan di Clubnan Leo ta disfruta pa sirbi nan comunidad y aprecia e resultado postivo cu esaki ta trece cune.

“Aruba One Happy Island Lions Club”, e club nobo di Leonnan recien funda ta fruta di e hobenen cu den añanan 90 a lanta y forma parti di Leo Club of Aruba. Awe un gran cantidad di miembronan Leo di e tempo ey, ta fundadornan y miembro di e club nobo di Leonnan “Aruba “One Happy Island Lions Club”. E pasion pa sirbi nos comunidad y crea mas lider ta ancra den e curason di e miembronan di e club di Leon recien funda.

Kier gradici Aruba Lions Club cu e tempo ey a duna e hobennan e oportunidad pa por a forma parti di e club. Awe nos como club nobo ta sigui propaga y biba e lema “We Serve”!

 

 

- Advertisement -

DUNA COMENTARIO

Please enter your comment!
Please enter your name here