Home Actividad Especial Diabierna y Diasabra awor ta bay tin ‘Shopping Night’ den Caya Betico...

Diabierna y Diasabra awor ta bay tin ‘Shopping Night’ den Caya Betico Croes

19
0
SHARE
- Advertisement -

ORANJESTAD(AAN): Dialuna  Prome Minister Eveline Wever Croes a anuncia cu e comision cu a wordo institui pa trece actividad y bida bek den Caya Betico Croes, a cuminza cu su trabaonan.

Esaki e mandatario a bisa durante e conferencia di prensa semanal di Gobierno.

El a splica cu e comision aki cu ta consisti di diferente minister, ta traha tambe den colaboracion cu ATA.

“E idea ta pa trece bida den Caya Betico Croes y ya caba e reunionnan cu a cuminza tuma lugar”.

“Mi kier bisa enfaticamente si cu esaki naturalmente no ta soluciona e problema di Caya Betico Croes”.

“Esaki ta pa e aña aki ainda nos trece bida y actividad y pa nos mustra comunidad di Aruba con e cambia ta bay cuminza wordo sinti”.

Esaki segun e Prome  Minister, kende a sigui bisa cu ora cu aña bolter ta bay trece e cambionan necesario, unda cu e comision lo wordo amplia cu e diferente departamentonan di Gobierno tambe, cu tin mester pa trece e bida bek den Caya.

“E ora ey nos lo atende cu e temanan di si lo habri caya bek of no, lo atende cu e asunto di parkeer meters y si lo bin cu un tipo di dak pa cubri Caya Betico Croes”, segun Wever Croes.

E mandatario a sigui bisa cu como e minister cu ta encarga pa coordina tur esaki, el a apunta Lindy Croes p yuda den esaki.
“Lindy ta un persona conoci pa trece actividadnan den Caya Betico Croes y sigur e ta goza di e confianza di comunidad”.

“El a organiza algun actividad durante di aña, cu a bira hopi exitoso den Caya Betico Croes”, segun Wever Croes.

Durante e conferencia di prensa, Lindy Croes a bisa cu e ta sumamente honra pa a haya e oportunidad aki.

“Pa e evento cu ta bay tin den weekend cu ta bin, di biaha nos a bin cu un plan pa hasi esaki un evento exitoso”.

“Pa Diabierna awor ta bay tin ‘Shopping Night’ den Caya Grandi mescos cu Diasabra, mientras cu Diadomingo Caya Betico Croes ta bay ta habri pa henter comunidad”.

“E ta bay ta dianan pa famianan bin disfruta di Caya Grandi y hasi nan compras di Pasco”.

Esaki segun Croes, kende a sigui bisa cu ta bay tin actividad pa muchanan di tur edad y tambe pa adulto.

El a sigui bisa cu riba 29 y 30 di December lo organiza eventonan den Caya tambe pa celebra fin di aña.

 

- Advertisement -

DUNA COMENTARIO

Please enter your comment!
Please enter your name here