Home Tempo Directiva di Departamento Meteorologico ta bisa cu no tin ningun problema

Directiva di Departamento Meteorologico ta bisa cu no tin ningun problema

40
0
SHARE
- Advertisement -

ORANJESTAD (AAN); Directiva di Servicio Meteorologico a tuma nota di loke e expresion cu empleadonan a haci den prensa e siman aki.

Den e relato aki ta referi na Servicio Meteorologico den un tono negativo. E empleadonan a bisa cu Aeropuerto ta core peligro pa sera durante dianan di fiesta.  Esaki door cu empleadonan no ta contento cu nan trabao.

Segun Directiva a reacciona riba Diabierna, esaki ta straño, pasobra ningun ora tabata tin un strike y directiva no a worde acerca tampoco den masa door di empleadonan cu ta rabia.

E scarcedad temporal di empleado, tabata relata na quebranza di salud cu ta algo cu por pasa semper y ta normal.

Directiva di Servicio Meteorologico a adapta e schedule di trabao, pa asina e servicio por a keda worde duna manera semper cu mesun calidad.

Directiva a tuma nota tambe cu ta menciona cu e director a keda sin paga empleadonan. Esaki ta straña directiva paso tur papel relata cu pago ta worde entrega na tempo na e instancianan concerni, y ta e instancianan aki ta paga empleadonan. Servicio Meteorologico ta un departamento di gobierno y no

un negoshi priva cu un doño na cabez.

Relaciona na e otro puntonan cu e press-release ta haci mencion, tin cu bisa cu directiva di Servicio Meteorologico semper a actua segun recomendacionnan di instancianan concerni.

Directiva tambe ta keda straña cu mayoria di empleadonan no tabata na haltura mes di e press release cu a sali. Pues loke e relato di prensa ta busca di ilustra cu supuestamente e ta un relato cu ta carga aprobacion di mayoria di e empleadonan no ta cuadra cu berdad.

Manera tur caminda unda tin trahador, semper por tin 1 of dos trahado cu no ta contento cu nan trabao, pero esey no ta duna nan derecho di papia na nomber di un Departamento of su Empleadonan.

 

- Advertisement -

DUNA COMENTARIO

Please enter your comment!
Please enter your name here