Home Salud Director di Svb Ir. Edwin Jacobs mes ta refleho di su personal...

Director di Svb Ir. Edwin Jacobs mes ta refleho di su personal y dedica na SvB

34
0
SHARE
- Advertisement -

ORANJESTAD (AAN)—Durante e entrevista cu e docter di control, sr. Myron Gersen y sr. Cristian Garcia, ambos empleadonan nobo na servicio di Svb, su director Ir. Edwin Jacobs a  haya importante pa menciona cu e mes ta un refleho di e organizacion.

Esaki den e contexto di a menciona cu como Director el a haci un trabao excelente y a trece diferente cambio positivo den dicho entidad, y cu el a gana e respet di su personal, como un di e mihornan (of e mihor) director di un departamento publico.

“Nos tin un organizacion capacita. Cu un personal forma pa 108 empleado, colega, completamente dedica na nan funcion. Tin biaha SVb ta haya critica locual e ta compronde, y pesey nan a inicia cu reorganizacion di nos sistema pa entrega y procesa keho, pasobra nos kier tende kico nos por mehora. Pero tambe ta asina cu tur dia nos coleganan ta haci nan maximo esfuerzo pa sirbi nos comunidad”, Ir. Jacobs a subraya.

Esaki ta inspira su persona como director, pasobra e ta mira su mes como un sirbidor di nan. Un hecho relevante ta cu e averago di AO den Svb mes ta sumamente abao y cada bez tin mas empleado cu no ta bay AO durante e aña. Pues, un logro excepcional sin duda alguno. Motivacion, sosten y estimulo ta e clave.

“Mi ta gradici na tur e ministernan cu mi a traha cu nan, cu a percura y a duna mi espacio, y cada biaha cu mi ta aboga na e minister concerni pa duna espacio na Svb y su personal pa bay dilanti, nan a coopera tambe. E ta gradici tambe su 108 colega cu ta haci locual nan ta bon den dje pa sirbi nos comunidad, cu asina hopi dedicacion y profesionalismo”, director di Svb sr. Jacobs a subraya.

Tocante dr. Genser y sr. Garcia e ta hopi contento y orguyoso di tin nan den servicio di nos comunidad via Svb. Nan ta dos talento, dos hoben profesional cu e ta bay sigui stimula, motiva, y cu e kier conserva den e Institucion. Pesey e ta mira cu hopi satisfaccion e proyecto di salud ocupacional y e desaroyo di digitalizacion cu lo sigui progresa.

Finalmente sr. Jacobs a expresa palabranan di danki na comunidad di Aruba cu ta cliente di Svb, y tambe a manifesta su deseonan pa pueblo henter pasa un Feliz Pasco di Nacemento y ricibi Aña 2018 cu hopi salud, paz, amor y trankilidad.

- Advertisement -

DUNA COMENTARIO

Please enter your comment!
Please enter your name here