Home Hudicial Dos aña di prison pa homber cu a viola dama cu a...

Dos aña di prison pa homber cu a viola dama cu a bay fia placa

241
0
SHARE
- Advertisement -

ORANJESTAD   (AAN) – Diabierna mainta Hues a dicta sentencia den e caso penal cu Ministerio Publico a cuminsa contra e homber B. Fiscal ta haya B. culpable di a viola un dama diferente biaha y a exigi 42 luna di cual 6 luna ta condicional cu un tempo di prueba di 2 aña.

Aunke cu B. ta bisa cu e no a viola y cu e relacion tabata voluntario, Hues ta haya B. culpable di a viola e dama pero no diferente biaha sino un biaha. Hues a condena B. na 24 luna di prison cu ta 17 luna y mey mas poco cu loke Fiscal a exigi.

EXIGENCIA DI FISCAL:

Luna pasa tratamento di e caso a tuma lugar caminda Fiscal a bisa cu e ta haya legalmente proba cu B. a viola e dama P. tres biaha. Fiscal a bisa cu dia 8 Mei 2017 e dama a haci denuncia cu diasabra 6 Mei 2017 el a wordo viola.

El a bisa cu ora el a drenta e cas, B. a sera e porta na lock. B. a bisa cu e kier tin relacion sexual. E dama a bisa cu no pero B. a push’e riba cama y tene relacion sexual cun’e diferente biaha. Fiscal a menciona cu tres biaha B. lo a tene relacion sexual cu e victima. Fiscal a mustra cu segun e dama victima, el a logra core sali for di e cas y kier a mata curpa. E amiga di e dama, a confirma cu B. a viol’e. El a haya e mensahenan di B. cual el a manda pa e victima.

Na opinion di Fiscal, den Corte awor, B. ta bisa cu ta e dama a kita su paña y despues a bisa cu e no tabata kier tin relacion sexual cun’e. Fiscal a bisa Hues cu e no ta kere e cambio di 180 grado aki. El a bisa cu el a confronta e sospechoso su “voice note” cu el a manda pa e dama, caminda e ta admiti di a viola e dama y ta pidi pordon. Fiscal a bisa cu for di declaracion di e dama victima por conclui cu 3 biaha tras di otro B. a viola e dama.

Fiscal a bisa cu e ta tene cuenta cu B. ta promer biaha cu e ta cay sera. Di otro banda ta trata aki di un caso hopi serio, caminda B. a traha un trampa pa dama. Na opinion di Fiscal, e dama tabata kier a topa B. otro caminda pa haya e placa pero B. tabata insisti pa bay su cas. Ta parce cu B. tabatin un plan caba. E victima no a wordo viola un sino tres biaha sin cu B. a usa proteccion. Fiscal a remarca cu B. no a mustra ningun ament di loke el a haci y ta purba bagateliza e asunto cu e dama tabata kier fia placa. Fiscal a exigi 42 luna, di cual 6 luna condicional cu 2 aña di prueba.

SENTENCIA:

Diabierna mainta Hues a bisa cu aunke B. ta bisa cu e tabatin relacion sexual voluntario y cu ningun momento el a viola e dama, e ta haya cu a keda legalmente proba cu B. ta culpable di a viola e dama P.

Hues a mustra cu dia 6 Mei 2017, B. a atrea e dama bay su cas pasobra el a priminti di fia e dama algun mil florin. E dama no kier a bay su cas sino topa J.B. un otro caminda.

Na opinion di Hues, J.B. a bisa e dama cu lo dura 3 minuut pa e dama haya e placa na su cas. Ora e dama a drenta e cas, B. a lock e porta y push’e riba cama y a force tene relacion sexual apesar cu P. tabata contra.

Hues a mustra cu no ta solamente P. a haci denuncia pero tin declaracion di testigo y tambe e contenido di mensahe whatsapp caminda J.B. mes ta admiti di ta lamenta di a viola.

Hues a bisa cu, contrario na opinion di Fiscal, e no ta haya cu ta diferente biaha B. a viola sino un biaha so.

Hues a expresa cu esaki ta algo hopi baho caminda ta conoci cu hopi biaha e victima ta keda hopi tempo afecta. Pa cu e castigo, el a tene cuenta cu ta promer biaha cu B. ta wordo sera pa un delito asina. Hues a condena B. na 24 luna di prison, o sea 2 aña. kitando e tempo cu e ta sera den KIA.

 

- Advertisement -

DUNA COMENTARIO

Please enter your comment!
Please enter your name here