Home Comentario DPL: Keto bay un paraiso pa corrupcion

DPL: Keto bay un paraiso pa corrupcion

34
0
SHARE
- Advertisement -

Remitido

Parti 2

E meta di e articulo ki no ta pa critica ningun partido politico. E meta ta pa como ciudadano duna conseho na e gobierno sin importa e color pa mehora e servicio na e pueblo y pa preveni mas corupcion.

Den e promer parti a trata e funccionamento di DPL caba. E biaha ki lo trata e base legal di e maneho di stranheria. Ta asina cu conforme e ley di stranheria vigente (LTUV) tin cu haci e arbeidsmarkttoets prómer cu duna cada permiso. Pakico? Pasobra e meta principal di un permiso di trabao conforme e ley ta pa proteha e cuponan di trabao pa esnan cu nó ta vergunningsplichtig.

Esaki ta e razon tambe pakico segun e LTUV cada permiso tin un duracion di 1 aña so. Pues conforme e ley ki e siguiente permiso di trabao no ta un derecho tampoco, al contrario di locual e Minister di Husticia actual a menciona den su articulo recien  “Minister Bikker: Mester modernisa leynan di ltu pa inversionista”. E maneho di stranheria di e gobierno anterior no tawatin base den e ley ya cu segun e maneho publica e arbeidsmarkttoets tabata worde haci pa e promer 5 permiso di trabao so.

Sinembargo e Minister di Labor a menciona den e articulo “Minister ……  a pone un paro na ‘ontheffing’ te proximo aviso” cu pa su persona e palabra ‘local’ no solamente ta referi na esunnan naci  na Aruba pero tambe na tur e personanan cu ta estableci na Aruba sea cu firma liber of varios permiso”.  Ta berdad cu esnan naci na Aruba of estableci kinan ta local. Pero esaki no ta conta pa esnan cu varios permiso. Pues e pregunta ta si lo haci e arbeidsmarkttoets conforme e ley di stranheria promer cu otorga cada permiso of solamente pa e promer permiso y si lo cambia e ley di stranheria actual e ora ey pa e maneho di stranheria tin un base legal.

Hecho ta cu ambos partido den gobierno, MEP y POR, a campaña cu nan lo proteha e mercado laboral local. Y si sali cu foi punta di bista cu awor como gobierno nan lo kier cumpli cu nan promesa di campaña nan lo tin cu cuminsa cu un inventarizacion di desempleadonan y graduadonan local promer pa por determina ki grado e proteccion ki mester ta. Pa despues adapta e LTUV vigente conforme e necesidad ki.

No ta consehabel pa limita e proteccion di e mercado laboral na e di promer permiso so, mirando e impacto negativo cu esaki lo tin riba e infrastructura, reservanan natural y fondonan social etc.

Alfin al cabo un vergunningsplichtige no mag di ta un carga financiero pa nos sociedad. Pero si gobierno kier limita e proteccion na e promer permiso so anto mester cambia e LTUV di un manera structural. Pakico? Pasobra den e caso ki no lo ta necesario mas pa duna 10 permiso di 1 aña mas.

E ora lo mas eficiente pa duna 1 permiso so cu un duracion di 10 aña despues di un investigacion profundo di antecedentenan criminal, estado di salud y arbeidsmarkttoets y conseho positivo di DPL.

Por mara e permiso e ora na e condicion di buena conducta, y e posibilad di cancelacion door di e doño di trabao of naturalizacion. Y den e caso ki por elimina gran parti di e gastonan di DIMAS, un departamento dinosaurio cu mas di 35 loket.

Pa evita corupcion ta consehabel pa por lo menos cambia tur e permisonan den caarchinan cu chip cu e beveiliging estricto cu ta contene informacion di e vergunningsplichtige, e tipo di vergunning y e funccion(an) y status etc. cu por worde gescan.

Tambe lo ta crucial cu DIMAS cuminsa publica jaarverslagen pa pueblo.

Importante ta si cu tin cu cambia e LTUV promer cu ehecuta e maneho nobo. Pasobra si kier cumpli cu bon gobernacion mester cumpli cu e principio di legalidad, cu ta encera cu tur cos cu un gobierno haci mester ta basa riba un ley.  E porta pa bon gobernacion tey. Falta djis pa habrie cu e yabi “Bon boluntad”.

 

Ciudadano Maria Boekhoudt.

 

- Advertisement -

DUNA COMENTARIO

Please enter your comment!
Please enter your name here